Japonııa premer-mınıstri Fýmıo Kıshıda Qazaqstanǵa josparlanǵan saparyn toqtatty, dep habarlaıdy "Adyrna" ulttyq portaly.
«Japonııa elshiliginiń málimetinshe, óz elindegi jer silkinisine baılanysty premer-mınıstr Fýmıo Kıshıdanyń Qazaqstanǵa saparyn toqtatý týraly sheshim qabyldandy», - dep habarlady juma kúni Qazaqstan Syrtqy ister mınıstrliginiń resmı ókili Aıbek Smadııarov.
Buǵan deıin 8 tamyz kúni Japonııada magnıtýdasy 7,1 bolatyn jer silkinisi bolǵan edi. Aımaqta jańa jer silkinisi qaýpi áli de bar. Sondaı-aq ýnamı qaýpi bar ekeni habarlandy.
Aıta keteıik, Kıshıdanyń Qazaqstanǵa resmı sapary 9-10 tamyz kúnderi bolýy kerek edi. Japonııa Mınıstrler kabınetiniń basshysy «Ortalyq Azııa + Japonııa» dıalogynyń birinshi sammıtine qatysýdy, al 10 tamyzda Prezıdent Qasym-Jomart Toqaevpen kelissózder júrgizýdi josparlaǵan bolatyn.
