Túrkistanda Áripbaevtar otbasynda úshem dúnıege keldi. 27 jastaǵy Roza Áripbaeva tuńǵysh ulynan keıin ómirge 2 ul men 1 qyz ákeldi. Bul týraly Túrkistan oblysy Densaýlyq saqtaý basqarmasy jarııalady, dep habarlaıdy “Adyrna” ulttyq portaly.
Birneshe kún dárigerdiń baqylaýynda bolǵan sábıler men anasy búgin úıge shyǵaryldy. Otbasynyń qýanyshymen bólisýge kelgen týystary sábılerdi kórý úshin perzenthana mańyna jınalyp, aqjarma tilekterin bildirdi.
Úshemder merziminen buryn, ıaǵnı júktiliktiń 33-aptasynda dúnıege kelgen. Olardyń biriniń salmaǵy 2 keli 245 gramm bolsa, ekinshisi − 1 keli 785, úshinshisiniki 1 keli 805 gramǵa jetken. Sheksiz qýanyshqa kenelgen otaǵasy úshemderge Omar, Ýsman, Razııa dep at qoıdy. Dárigerlerdiń aıtýynsha alǵashynda nárestelerge medıınalyq kómek qajet bolǵan.
«Bul úshemder dúnıege kelgen kezde jaǵdaılary aýyr boldy. Apparatta jatty. Tekserý, emdeý, kútip baptaý jumystary júrgizildi. Qazirgi tańda medıına qyzmetkerleriniń kómekterine baılanysty bul úshemderdiń jaǵdaılary jaqsy, salmaq qosyp, ana sútin qanaǵattarlyqtaı emip jatyr», - dedi dáriger-neonatolog Taýgúl Baıdýllaqyzy.
Aıta ketsek, Túrkistan oblysynda 6 aı ishinde 25 045 náreste dúnıege kelgen. Al, jyl basynan beri dúnıe esigin ashqan úshemder sany 7-eýge jetti. Osy merzim aralyǵynda 311 egiz sábı jaryq dúnıe esigin ashqan.
