Qaraǵandy oblysynyń turǵyndary respýblıkalyq "Taza Qazaqstan" ekologııalyq akııasy aıasynda 110 myńnan astam plastıkalyq bótelkelerdi balmuzdaqqa aıyrbastady. Akııa halyqty tártip ornatýǵa jáne qorshaǵan ortanyń tazalyǵyna qamqorlyq jasaýǵa tartýǵa baǵyttalǵan.
Kem degende bes plastıkalyq bótelke ákelgen árbir adamǵa qatysýǵa yntalandyrý retinde balmuzdaq berildi. Tazalyq úshin kúreste balalar men jastar erekshe belsendilik tanytty. Qabyldaý pýnktterine otbasylar da keldi.
Qaraǵandylyqtar Maıqudyq saıabaǵynda balmuzdaqqa bes plastık nemese shyny bótelke aýystyrdy. 50 myń bótelke jınalyp, 10 myń balmuzdaq aldy.
Bul sharaǵa kóbine balalar men jastar belsendilik tanytty. Sonyń arqasynda Maıqudyq tazaryp qaldy.
Akııa oblys ortalyǵynyń basqa da núktelerinde jalǵasady.
Temirtaý turǵyndary 45 myń bótelke jınap, 4500 porııa balmuzdaq taratty.
– Qala turǵyndary belsendi qatysty. Aldaǵy ýaqytta osyndaı akııalardy turaqty negizde ótkizýdi josparlap otyrmyz, – deıdi Temirtaý qalasy ákiminiń orynbasary Samat Zııashev.
Akııaǵa qatysýshylar 10 bótelkeni balmuzdaq alatyn talondarǵa aýystyrdy. Uıymdastyrýshylar konteınerdiń sanyn sanap qana qoımaı, onyń tutastyǵyn tekserdi.
Shahtınsk turǵyndary 12 500 bótelke tapsyrdy.
– Bizdiń turǵyndar akııaǵa belsendi qatysýda. Eń kóp bótelkelerdi balalar men orta jastaǵy adamdar tapsyrdy. Adamdar otbasylarmen keldi, qala boıynsha jınalǵan bótelkeler jınap balalar, eriktiler qatysty. Birneshe saǵat ishinde qala tazaryp qaldy, – dedi Shahtınsk ishki saıasat bóliminde.
Qarqaralylyqtar 4500 bótelke jınady. Saran, Aqtoǵaı jáne Abaı aýdandarynyń turǵyndary tazalyq estafetasyn qoldady. Olar sáıkesinshe 2400, 3000 jáne 2000 bótelke jınady.
Akııanyń bastapqy kezeńinde Buqar Jyraý, Nura jáne Shet aýdandarynyń turǵyndary 2500-ge jýyq bótelke jınady.
Plastmassa, shyny jınaý arqyly oblys turǵyndary qaldyqtardy qaıta óńdeýge jáne aımaqty taza ustaýǵa úles qosady. Eń bastysy, balalarǵa ekologııalyq mádenıet daǵdylary úıretiledi. Qoqys jınaý oblystyń jas turǵyndary úshin buryn-sońdy osynsha jaǵymdy jáne qyzyqty is-shara bolǵan emes, óıtkeni olardyń árqaısysy balmuzdaq aldy.
