Qyzylordada onkologııalyq aýrýhana qyzmetkeri óli kúıinde tabyldy, dep habarlaıdy “Adyrna” ulttyq portaly Informbıýroǵa silteme jasap.
Naýryzbek Tursynov 31 jasta bolǵan. Ol medıınal salasynda eńbek etken tájirıbpdi maman. Alaıda er adamǵa belgisiz bireýler oq atyp, óltirip ketken.
Marqumnyń artynda kámelet jasyna tolmaǵan úsh balasy men jary qaldy.
Týystary jigittiń kóz jumǵanyna 3 kún ótse de, tergeýshilerden birde-bir habar joq ekenin aıtty. Olar tergeýge kúmán keltirip, shaǵymdanýda.
«Qazir keledi dep jattym. Saǵat 4 boldy. Tursam, qasymda joq. Myna kisi áli kelmegen be dep, mashınasyna qaradym. Mashınasy ol joq. 4-5 adamdy jaldaǵan. Basynan eki oqpen atqan. Asqan qatygezdikpen óltirgenimen qoımaı, denesin qasyndaǵy kanalǵa laqtyryp ketken», - deıdi marqumnyń jubaıy Ulpan Nurlybaeva.
Qaıǵydan qan jutqan otbasy Naýryzbekti óziniń tanystary óltirgenine senimdi.
«Birneshe adam, joq degende 4-5 adamnyń qatysy bar. Sol adamdardyń báriniń tabylyp, qatań jazamen sottalýyn talap etemiz», - dedi marqumnyń ákesi Asylhan Daýylbekov.
Polıııa qylmystyq iske qatysty eki kúdiktiniń qamaýǵa alynǵanyn habarlady. Ózge málimetter jarııa etilmeıdi.
