Astana sotynda Marat Áıtenovke qatysty qylmystyq is qaralýla. Ol qylmystyq kodekstiń 109-baby (uryp-soǵý) boıynsha sotqa tartylǵan, dep habarlaıdy “Adyrna” ulttyq portaly.
Marat Áıtenov sotta áıelin urmaǵanyn aıtty.
“Dana Áteshovany uryp-soǵyp, shashynan tartqan emespin. Danaǵa qaýip tóngennen keıin, balalaryma qaýip tóngennen keıin áke retinde sol jerde boldym. Urǵan joqpyn, soqqan joqpyn, májbúrlegen joqpyn, zorlyq-zombylyq kórsetken emespin. (Denesiniń kógergenin) men bilmeımin, biraq saraptamada jazylǵan. Saraptama 13 shildede jasalǵan. Ol jaǵdaı 12 shildede boldy. Saraptamada árekettiń 1-3 táýlik aralyǵynda bolǵany jazylǵan. Aıaq-qolyn ustaǵanym ras. Basy jerge urylmasyn dep eki qolymdy basynyń astyna qoıyp, ustap turǵanym ras. Oǵan «ekeýmiz sóıleseıik» dep usynys jasaǵanym ras», - dedi sot otyrysynda Marat Áıtenov.
Áıtenov burynǵy áıeline kúsh qoldaný týraly oıy bolmaǵanyn aıtady.
“Teris pıǵylym bolǵan emes. Kerisinshe, balalarymnyń anasy, balalarymdy qaýipten saqtaımyn degen is-áreketim úshin aıyptalyp otyrmyn. Sol ýaqytta úıde sot oryndaýshylary boldy. Sot oryndaýshylardyń kózinshe Dana Áteshova tóbeles shyǵaryp, meni sabalap jatqannan keıin, sot oryndaýshynyń sheshimin oryndaýǵa bóget bolyp jatqannan keıin ony qaýipten saqtap qalaıyn dep usynys jasadym. «Syrtqa shyǵyp, beıbit jolmen sóıleseıik» dedim, - deıdi Marat Áıtenov.
Is materıaldaryna sáıkes, Dana Áteshova otbasylyq janjal kezinde Marat Áıtenovti balaǵattaǵan. Ol biraq bul kinásin moıyndamady.
«Sotta áıel óz kinásin moıyndamady. Ol burynǵy jubaıyn bylapyt sózdermen qorlamaǵanyn, tek bylapyt sózder túrindegi etistikti qoldanǵanyn túsindirdi. Sonymen birge burynǵy kúıeýiniń úıde zańsyz bolyp, ony arandatqanyn jetkizdi», - delingen is materıaldarynda.
Ákimshilik quqyq buzýshylyq týraly kodekstiń 73-baby 1-bóliginiń sankııasy eskertý jasaý ne 5 táýlikke ákimshilik qamaqqa alýǵa ákeledi.
«Áıeldiń jas balalary bar jáne ol qamaqqa alý qoldanylmaıtyn adamdar sanatyna jatady», - delingen aqparatta.
Osylaısha Dana Áteshovaǵa jas balalarynyń bolýy jáne quqyq buzýshylyqty alǵash ret jasaýy jaýapkershilik pen jazany jeńildetetin mán-jaı retinde tanyldy.
Sot áıeldi kináli dep tanyp, eskertý túrindegi ákimshilik jaza qoldanyldy.
Aıta ketsek, Marat Áıtenov - Shymkenttiń burynǵy ákim Murat Áıtenovtiń aǵasy, «Astana» halyqaralyq qarjy ortalyǵynyń ákimshiligi» AQ basqarma tóraǵasynyń birinshi orynbasary, «Samuryq-Qazyna» UÁQ AQ qoǵammen baılanys jónindegi basqarýshy dırektor qyzmetin atqarǵan. Sondaı-aq «Astana-qarjy» AQ dırektorlar keńesiniń tóraǵasy, «Alıans Bank» AQ dırektorlar keńesiniń múshesi bolǵan.
Eske sala ketsek, 15 shilde kúni Marat Aıtenov qamaýǵa alyndy. Al Marat Áıtenovtiń burynǵy áıeline eskertý túrinde ákimshilik jaza qoldanyldy.
