Qazaqstannyń birinshi, álemniń tórtinshi raketkasy Elena Rybakına Parıjde ótetin olımpıada oıyndaryna qatysýdan bas tartty, dep habarlaıdy «Adyrna» tilshisi.
Olımpıadanyń resmı saıtynda tennısshiniń esimi jeke jáne aralas juptyq syndaǵy setkadan alynyp tastaldy. Endi otandasymyzdy avstralııalyq Darıa Savıl almastyratyn bolady.
Týrızm jáne sport mınıstrligi Rybakınanyń tórtjyldyqtyń bas dodasynda qatyspaýyna densaýlyq jaǵdaıy sebep bolǵanyn málimdedi.
«Onyń Ýımbldon týrnırinen keıin tynys alý joldary qabynyp, isinip, aýyrǵan. Soǵan qaramastan Elena daıyndalyp, olımpıa oıyndarynda joǵary nátıje kórsetkisi keldi. Alaıda dárigerler kortqa shyǵýǵa, ushýǵa tyıym saldy», - dep jazdy mınıstrliktiń baspasóz qyzmeti.
Aıta keteıik, Qazaqstan Parıj olımpıadasynda tennısten 6 lıenzııa jeńip alǵan edi.
Buǵan deıin Rybakına Ulybrıtanııanyń Istborn týrnırine qatysýdan bas tartty.
