Aýyl sharýashylyǵy vıe-mınıstri Úkimet otyrysynan keıin BAQ ókilderine suhbat berdi, dep habarlaıdy "Adyrna" ulttyq portaly.
Vıe-mınıstr Azat Sultanov el ishinde «Jańbyr adam» atanyp ketken Altaı Aınabektiń Araldy jańbyr sýymen sýǵa toltyrý jobasy jaıly pikir bildirdi.
«Biz zańdy birneshe ret zerttedik. Bizge sýbsıdııa suraqtarymen shetelden de mamandar kelgen. Mańǵystaý, Batys Qazaqstan óńirlerinde 2-3 jyl buryn sýmen problema bolǵanyn biletin shyǵarsyz. Sol kezde bult shaqyryp, jańbyr jaýǵyzaıyq degen usynys berildi. Biraq bul máseleniń birneshe qyry bar. Bir jaǵynan ekologııanyń máseleleri de bar. Bul tabıǵat qoı. Bir jerde jańbyr jaýǵanymen, kelesi bir jerge zııany tııýi múmkin. Myna jerde jańbyr jaýǵanymen, basqa jerden ylǵaly aýyp ketýi múmkin. Onyń bárin zertteý qajet», - dedi ol.
Vıe-mınıstr bul tásil áli jan-jaqty zertteýdi qajet etedi dep otyr.
«Ekologııa mınıstrligimen birge jumys istedik. Biraq qazirgi tańda eshqandaı ǵylymı qorytyndy da, naqty tájirıbe de joq. Sondyqtan naqty birdeńe aıtý qıyn. Ondaı jobaǵa sýbsıdııa berý degen bizde eshqandaı zańǵa jatpaıdy», - dedi Azat Sultanov.
