Qaraǵandy ferroqorytpa zaýytynda bolǵan apattan 8 jumysshy jaraqat alǵan. YDD Corporation zaýytta zardap shekkenderdi emdeýge Reseı men Túrkııadan dárigerler aldyrtyp jatyr, dep habarlaıdy "Adyrna" ulttyq portaly.
«Zaýyttyń alysta ornalasýyna jáne shuǵyl kómekti barynsha tez kórsetý qajettiligine baılanysty alǵashqy kómekti kórsetip, zardap shekkenderdi zaýyttyń kezekshi kóligimen aýrýhanaǵa jetkizý týraly sheshim qabyldandy. Kezekshi kólik zardap shekkenderdi Maqajanov atyndaǵy aýrýhanaǵa jetkizdi», – dedi korporaııanyń baspasóz qyzmeti.
20 shilde kúni bolǵan apat saldarynan jumysshylar aýyr jaraqat alǵan.
"Jumysshylarǵa barlyq qajetti alǵashqy shuǵyl jáne ambýlatorııalyq kómek kórsetildi. Sonymen qatar, kompanııa qajetti medıınalyq kómekti kórsetý úshin Reseıden eń jaqsy dárigerler tobynyń qysqa merzimde kelýin uıymdastyrdy. Buǵan qosa, qazirgi ýaqytta Túrkııadan dárigerlerdiń kelýi kútilýde", – dep tolyqtyrdy YDD Corporation.
Odan bólek kompanııa zardap shekkenderge barlyq qajetti kómekti kórsetetip jatqanyn, jumysshylardyń em alyp jatqan professor H.J.Maqajanov atyndaǵy kópsalaly aýrýhananyń medıınalyq qyzmetkerlerimen únemi baılanysta ekenin málimdedi.
