Ózbekstanda qos dóńgelekti jeńil kólikterge qatysty jańa sheshim shyqty, dep habarlaıdy "Adyrna" ulttyq portaly.
Endi mopedter men skýterlerdi mindetti tirkeý engizilmek. Mundaı sheshimge olardyń jol erejesin jıi buzýy sebep bolyp otyr.
Ózbekstannyń Ishki ister mınıstrligi naýryz aıynda mopedter men motorollerlerdi tirkeýdi qarastyratyn qujat jobasyn jarııalady. Jaqynda jol qozǵalysy erejelerine kólik nómirleriniń jańa sanattary men termınderin engizetin ózgerister bekitildi. 18 shilde kúni bılik kólikterdi mindetti tirkeý týraly sheshim qabyldaǵan.
Endi mopedtiń jobalyq jyldamdyǵy saǵatyna 25-ten joǵary jáne 50 shaqyrymnan az, qozǵaltqyshynyń kólemi 25-ten joǵary jáne 50 tekshe metrden az kólik quraly bolady. Bul velosıped, kvadroıkl jáne basqa da kólik túrlerine qatysty ekeni aıtyldy.
Al skýterlerge elektr qozǵaltqyshy bar, qýaty 0,25 kVt-tan joǵary jáne 4 kVt-tan az, jobalyq jyldamdyǵy 25-ten joǵary, biraq saǵatyna 50 kılometrden aspaıtyn kólikter jatady.
