Buǵan deıin eks-prezıdent Nursultan Nazarbaevtyń qyzy Álııa Nazarbaevanyń reıderlik áreketi týraly áshkerelegen kásipker Nurlan Bımýrzın óziniń úıine basyp kirý áreketi týraly málimdedi, dep habarlaıdy “Adyrna” ulttyq portaly.
«Oqıǵa 16-sy kúni túngi saǵat 01.30-da boldy. Bizdiń podezd jabyq turady, óziniń kody bar. Bul úıde men jáne meniń otbasymnan basqa eshkim turmaıdy, jan-jaqta qalǵany tek keńseler ǵana. Olardyń barlyǵynda jeke kirý kody bar. Ómirimniń, densaýlyǵymnyń jáne otbasymnyń qaýipsizdigi úshin perımetrdiń aınalasyna, kireberistiń ústine jáne páterimniń ústindegi kireberiske kameralar ornattym. Saǵat 01.30-da belgisiz bireý kirip, beınebaqylaý kameralarynyń kabelderin muqııat teksere bastaıdy, aınalaǵa qarap, keıin ketip qalady», - deıdi Nurlan Bımýrzın.
Ol bul Álııa Nazarbaevanyń isi bolýy múmkin dep kúdiktenedi. Degenmen, tikeleı dálel joq. Bımýrzın jaǵdaıǵa qatysty polıııa shaqyrdy. Bımýrzınge berilgen talon boıynsha 16 shildede polıııa aryzdy qabyldap, materıaldardy Sotqa deıingi tergep-tekserýdiń biryńǵaı reestrine tirkegeni aıtylady.
Eske salaıyq, Bımýrzın 28 aqpanda seriktesi Qalıev ekeýi Nazarbaeva men Rogovanyń reıderlik shabýylynyń qurbany bolǵanyn habarlaǵan bolatyn.
