Usaq buzaqylyq jasaǵany úshin 15 táýlikke qamaýǵa alynǵan qazaqstandyq ánshi Qaırat Nurtas bostandyqqa shyqty, - dep habarlaıdy “Adyrna” ulttyq portaly Otyrar Telegram arnasyna silteme jasap.
Vıdeodan baıqaǵanymyzdaı, óner ıesin ata-anasy, dostary, tipti jankúıerleri qarsy alǵan.
«Ýaıymdaǵan barsha jandarǵa raqmet», - dedi Qaırat Nurtas.
Onyń anasy Gúlzıra Aıdarbekova suhbatynda mundaı jaǵdaıdy eshkimniń basyna bermesin dep, barlyǵyna qoldaý kórsetkeni úshin alǵysyn bildirdi.
Esterińizge sala keteıik, 5 shilde kúni Qaırat Nurtas ushaqta tóbeles shyǵarǵany úshin ustalyp, usaq buzaqylyq jáne densaýlyqqa qasaqana jeńil zııan keltirý faktileri boıynsha ákimshilik is qozǵaldy. Oqıǵa Almaty – Astana baǵytynda kele jatqan ushaqtyń bortynda bolǵan.
Astana qalasynyń ákimshilik quqyq buzýshylyq isteri jónindegi mamandandyrylǵan aýdanaralyq sotynyń qaýlysymen Qaırat Nurtas 15 táýlikke ákimshilik qamaqqa alynǵan edi.
