Reseı prezıdenti Vladımır Pýtınge qarsy jasalǵan qastandyq áreketi sátsiz aıaqtaldy, dep habarlaıdy “Adyrna” ulttyq portaly. Bul týraly senbi, 13 shildede Ýkraına Qorǵanys mınıstrliginiń Bas barlaý basqarmasynyń (BBB) basshysy Kırıll Býdanov ýkraındyq NV ınternet-basylymyna bergen suhbatynda málimdedi.
Bul suhbatty birqatar basqa ýkraındyq BAQ-tar da keltiredi. «Vladımır Pýtınge qarsy qastandyq áreketteri jasaldy, biraq ózderińiz kórip otyrǵandaı, olar ázirge sátsiz aıaqtalyp otyr», - dedi Býdanov ózge qosymsha málimetter bermeı.
Sonymen birge, Ýkraına arnaıy qyzmetiniń basshysy reseılikter qazir Pýtındi joǵaltyp alýdan «qorqady», «óıtkeni ol olardyń ómirlik turaqtylyǵynyń kepili» degen pikirin bildirdi. Onymen qosa ol, Pýtın qaıtys bolǵannan keıin reseılikter Iosıf Stalın qaıtys bolǵannan keıin KSRO azamattarynyń kúıin keshedi, dep sanaıdy
Kremldiń baspasóz hatshysy Dmıtrıı Peskov Býdanovpen suhbatyn jarııalaǵannan keıin Reseı prezıdenti «Kıevtiń qaýip-qaterinen» jetkilikti qorǵalǵanyn aıtty.
