Izraıl 281 kúnnen beri Gaza sektoryna áýeden, teńizden jáne qurlyqtan toqtaýsyz shabýyldaýda, dep habarlaıdy “Adyrna” ulttyq portaly.
Izraıl armııasynyń Gaza sektoryndaǵy ártúrli aımaqtaryna jasaǵan sońǵy shabýyldary saldarynan kóptegen palestınalyq qaza taýyp, jaraqat aldy.
Palestınalyq WAFA aqparat agenttiginiń habarlaýynsha, Izraıl áýe kúshteri Deır ál-Balah qalasyndaǵy Er-Raı otbasyna tıesili úıge soqqy jasaǵan.
Azamattyq qorǵanys bólimsheleri úıindi astynan 5 adamnyń, onyń ishinde 3 kishkentaı balanyń denesin alyp shyqty. Marqumdar ál-Aqsa sháhıdteri aýrýhanasynyń máıithanasyna jetkizildi.
Gaza qalasynyń ońtústigindegi Ál-Zeıtýn tóńiregi de ızraıldik artıllerııadan talqandaldy. Sondaı-aq, Ál-Shýheda qıylysy mańynda qatty jarylystar estildi.
Sonymen qatar, Izraıl Tel-el-Heva aımaǵyndaǵy beıbit turǵyndarǵa kvadrokopter tıpti ushqyshsyz ushatyn apparattardy (UUA) paıdalanyp oq jaýdyrdy. Ázirge zardap shekkender týraly aqparat túsken joq.
Izraıl kúshteri sondaı-aq Gaza qalasynyń ónerkásiptik aımaǵyna, Taıaran qıylysyna jáne Tel al-Heva aımaǵyna artıllerııadan oq jaýdyrdy. Qaza tapqandar men jaralanǵandar bar ekendigi aıtyldy.
Sonymen birge, Palestınanyń ortalyq eksklavynda, Nýsaırat bosqyndar lagerindegi Ál-Isrın kóshesindegi Hamdan otbasyna tıesili úıge ızraıldikter shabýyl jasap, 10 adam jaralandy. Jaralanǵandar ál-Aqsa sháhıdteri aýrýhanasyna jetkizildi. Izraıl áýe kúshteri de lagerdiń soltústik aýdandaryna shabýyl jasady.
Kýágerlerdiń aıtýynsha, Han Iýnýstyń shyǵysy jáne Rafah qalasynyń ártúrli aýdandary da qarqyndy áýe shabýyldary men atqylaýǵa ushyraǵan.
Ótken jyldyń 7 qazanynda Hamastyń qarýly qanaty Izz ad-Dın ál-Kassam brıgadalary Izraılge qarsy «Ál-Sý tasqyny» operaııasyn bastaǵanyn jarııalaǵannan beri Gazada 38 300-den astam palestınalyq qaza tapty, olardyń kópshiligi áıelder men balalar.
