Balanyń ata-anaǵa qamqorlyǵy tamaq berip, kútim jasaý uǵymynyń tóńireginde ǵana bolmaýy kerek. Ol - óte tómen uǵym. Balanyń áke-sheshege qamqorlyǵy uǵymyn tereń túsingen abzal.
Perzentińniń elge paıdasy tıip, abyroıly bolsa, ar-uıatyn saqtap áýletke sóz keltirmese – mine, perzenttiń ata-baba jolyna adaldyǵy, qamqorlyǵy osy. Al áke-shesheni kıindirý, tamaǵyn berý, kútimin jasaý, qarajat taýyp, asyraý degen qarabaıyr uǵym. Ol balanyń ata-anasy aldynda atqarar tabıǵı mindeti. Soǵan ǵana baılanyp qalmaý kerek.
Ákeniń balany asyraýy – perzentiniń boıyna izgilik dánin egip, el men jerdiń naǵyz azamaty bolyp qalyptasýyna eńbek sińirýi. Al balanyń ákeni asyraýy – perzenttiń óz ortasynda túzý júrip, adaldyq týyn jyqpaýy, adamı qasıetterdi bıik ustaýy, abyroıly bolýy.
Jalpy evolıýııa neni talap etedi? Keıingi urpaqtyń myqtyraq bolýy tabıǵat zańy. Ósý bar bolǵanda ǵana evolıýııalyq damý bar. Sondyqtan da bala árdaıym ákesinen ozyq bolýy tıis.
Urpaq jalǵastyǵy, evolıýııanyń basty qaǵıdasy keıingi urpaqtyń menen áldeqaıda myqty bolýynda.
Toregeldy Sharmanov
