Batys Qazaqstan oblysynyń prokýratýrasy qymbat syrt kıim tigýge tapsyrys bergen, dep habarlaıdy "Adyrna" ulttyq portaly.
Memlekettik satyp alýlar saıtynda bylǵarynyń quny 800 myń teńge dep kórsetilgen.
Saıttaǵy qosymsha sıpattamada bylǵary paltonyń memlekettik ádilet keńesshisine arnap tigiletini de kórsetilgen. Odan bólek, kıim qara tústi, túkti astary bar, taza bylǵarydan jasalýǵa tıis ekeni de aıshyqtalǵan. Al qundy syrt kıimniń jaǵasy naǵyz qarakól júninen jasalýy tıis eken.
“2024 jylǵy 13 maýsymda "Kamoda" JShS-niń bir baǵa usynýyna baılanysty memlekettik satyp alý ótkizilmedi dep tanyldy. Sol kúni memlekettik satyp alý portaly avtomatty túrde "Kamoda" JShS jetkizýshisine elektrondy shaqyrý jasady. 2024 jylǵy 18 maýsymdaǵy memlekettik satyp alý qorytyndysy boıynsha, "Kamoda" JShS shaqyrylǵan jetkizýshimen "Elektrondy satyp alý arqyly bir kózden alý" tásilimen memlekettik satyp alý týraly shart jasasý týraly sheshim qabyldandy”, – dep jaýap berdi oblystyq prokýratýra.
