Qazaqstanda prezıdent janyndaǵy raqymshylyq jasaý komıssııasynyń quramy ózgerdi. Memleket basshysynyń tıisti jarlyǵy normatıvtik quqyqtyq aktilerdiń aqparattyq-quqyqtyq júıesinde jarııalandy, - dep habarlaıdy "Adyrna" ulttyq portaly.
Qazaqstan Prezıdenti Qasym-Jomart Toqaevtyń 2024 jylǵy 2 shildedegi Jarlyǵymen "Qazaqstan Respýblıkasy Prezıdentiniń janyndaǵy raqymshylyq jasaý máseleleri jónindegi komıssııa týraly" Qazaqstan Respýblıkasy Prezıdentiniń 2006 jylǵy 5 shildedegi № 140 Jarlyǵyna myna ózgerister engizýdi qaýly etti:
— joǵaryda atalǵan Jarlyqpen bekitilgen Qazaqstan Respýblıkasy Prezıdentiniń janyndaǵy keshirim jasaý jónindegi komıssııanyń quramyna Qazaqstan Respýblıkasy Parlamenti Senatynyń depýtaty Janna Beısentaıqyzy Asanova (kelisim boıynsha), zań ǵylymdarynyń doktory Indıra Oralqyzy Áýbákirova (kelisim boıynsha) engizilsin;
— atalǵan komıssııa quramynan A. I. Lýkın men T.E.Qaýdyrov shyǵarylsyn.
Jarlyq qol qoıylǵan kúninen bastap kúshine endi.
Qazaqstan Respýblıkasy Prezıdentiniń janyndaǵy Raqymshylyq jasaý máseleleri jónindegi komıssııa keshirim jasaý týraly materıaldardy aldyn ala qaraý úshin 1992 jylǵy 25 qańtarda qurylǵan jáne Memleket basshysy janyndaǵy konsýltatıvtik-keńesshi organ bolyp tabylady.
Eske sala keteıik, buǵan deıin Qazaqstan prezıdenti janyndaǵy raqymshylyq komıssııasy UQK eks-basshysy Kárim Másimovtyń ótinishin keri qaıtarǵan bolatyn. Bul týraly komıssııa múshesi Marat Báshimov málimdegen bolatyn. Onyń esimi joǵarydaǵy quramnan shyǵý týraly tizimde atalmady.
