Búgin, 6 shilde — burynǵy prezıdent Nursultan Nazarbaevtyń týǵan kúni. Qart saıasatker bıyl 84-ke toldy, dep habarlaıdy “Adyrna” ulttyq portaly.
Nazarbaev 1940 jyly 6 shildede Ile Alataýynyń baýraıyndaǵy Úshqońyr jaılaýynda Ábish pen Áljan Nazarbaevtar shańyraǵynda dúnıege kelgen.
1989–1991 jyldary Qazaqstan kompartııasy Ortalyq komıtetiniń birinshi hatshysy bolǵan Nazarbaev, 1989–1992 jyldary KSRO halyqtyq depýtaty, keıin sol ýaqytta 1990 jylǵy aqpan-sáýirde Qazaq KSR Joǵarǵy keńesiniń tóraǵasy atandy.
1990 jylǵy 24 sáýirde Qazaq KSR Joǵarǵy Keńesiniń sessııasynda Qazaq KSR prezıdenti laýazymyna taǵaıyndaldy. Qazaqstandy otyz jylǵa jýyq basqarǵan Nursultan Nazarbaev 2019 jylǵy 19 naýryzda el prezıdenti qyzmetinen ketetinin málimdedi.
Nursultan Nazarbaev Qazaqstan prezıdenti ókiletin 2019 jylǵy naýryzda Qasym-Jomart Toqaevqa tabystap bergenimen, bılikti Qaýipsizdik keńesi arqyly 2022 jyldyń qańtaryna deıin qolynda ustady.
Taqtan ketken soń Nazarbaevtyń esimi tarıh betterinen óshirile bastady.
Keıin 2022 jylǵy 5 qańtarda prezıdent Toqaev Qaýipsizdik keńesiniń tóraǵasy qyzmetin qolyna alǵanyn málimdedi. 2022 jylǵy 28 qańtarda "Nur Otan" partııasynyń tóraǵalyǵynan ketti. 2022 jylǵy 2 naýryzda Nazarbaevtyń esiminiń alǵashqy býyny jazylǵan "Nur Otan" partııasy "Amanat" bolyp ózgerdi. 2022 jylǵy 5 maýsymda ótken referendýmda Konstıtýııadan "Tuńǵysh prezıdent – elbasy" týraly baptar joıyldy. 2022 jylǵy 17 qyrkúıekte memleket astanasynyń Nur-Sultan ataýy qaıtadan Astana bolyp ózgerdi. 2023 jylǵy 1 qańtarda Nursultan Nazarbaev ómir boıǵy múshesi bolady dep sanalǵan konstıtýııalyq keńes qyzmetin toqtatty. 2023 jylǵy 12 qańtarda eks-prezıdent "qurmetti senator" ataǵynan aıyryldy. 2023 jylǵy 15 aqpanda "Tuńǵysh prezıdent - elbasy" týraly zańnyń kúshi joıyldy. 2023 jylǵy 12 shildede prezıdent Toqaev qylmystyq kodeksten "Elbasy" týraly bapty alyp tastady. Basqa zańdar men quqyqtyq aktilerden de "Tuńǵysh prezıdent – elbasy" sózi alyndy. 2023 jylǵy 24 shildedegi prezıdent jarlyǵymen Memlekettik kúzet qyzmetinen Nazarbaevtyń qaýipsizdigin qamtamasyz etý mindeti alynyp tastaldy. 2023 jylǵy 16 qarashada Toqaev Nazarbaev tóraǵa bolǵan "Samuryq-Qazyna" ál-aýqat qoryn basqarý keńesin taratýdy kózdeıtin zańǵa qol qoıdy.
Nursultan Nazarbaev prezıdenttikten ketkennen keıin 2021 jyly “Shtrıhı k portretý” derekti fılmine suhbat bergen bolatyn. Onda ol óziniń ómir joly, prınıpteri men kózqarasy jaıly syr shertken:
“Satqyndyq maǵan unamaıdy. Satqyndardyń ómiri jaqsylyqpen aıaqtalmaıdy. Olardyń júreginde "qurt" turady Sol "qurt" olardy ishteı jegideı jeıdi. Olar ózderiniń durys jasamaǵanyn, óz halqyna, memleketine qarsy shyqqanyn biledi. Sondyqtan men esh ýaıymdamaımyn. Satqyndar ózderine tıistini alady”, – dedi ol suhbatta.
Al qazir týǵan kún ıesiniń qaıda ekeni belgisiz. Sońǵy ret eks-prezıdent BAÁ astanasy - Dýbaıda ornalasqan Nıý-Iork Abý-Dabı ýnıversıtetinde júrgeni aıtylǵan edi.
