Qostanaıda jedel járdem kóliginiń qatysýymen jol-kólik oqıǵasy (JKO) boldy, dep habarlaıdy “Adyrna” ulttyq portaly Alaý saıtyna silteme jasap.
«2 shildede Qostanaı qalasynda Baımaǵambetov-Doanova kósheleriniń qıylysynda 37 jastaǵy jedel járdem júrgizýshisi dybys sıgnalynsyz jypylyqtaıtyn shamdarymen júrip kele jatyp, kólik qozǵalysynyń qaýipsizdigine kóz jetkizbesten, tyıym salynǵan baǵdarshamnyń qıylysynan júrip ótken. Saldarynan 21 jastaǵy júrgizýshi basqarǵan Audi markaly avtokóligimen soqtyǵysty. Apat saldarynan jedel járdem kóligi sham baǵanasyna soǵyldy», - delingen habarlamada.
Oqıǵa saldarynan júrgizýshi men jedel járdem feldsheri túrli dene jaraqattaryn alǵany habarlandy.
«Bul fakti boıynsha polıııa ákimshilik is qozǵady», - delingen habarlamada.
