“Adyrna” ulttyq portaly YouTube arnasyndaǵy “Tarazy” baǵdarlamasynyń kezekti qonaǵy - qoǵam qaıratkeri, burynǵy depýtat, «Elim-aı» qorynyń jetekshisi Serik Ábdirahmanov.
Suhbat barysynda qoǵamda qazir ózekti bolyp otyrǵan saıası máselelerge toqtaldy. Ol Nazarbaev kezinde urlanǵan dúnıe bandıttik jolmen bóliske túsip jatyr dep esepteıdi. Aıtýynsha, qazir de bıliktiń ishinde otyrǵan Nazarbaevtyń adamdary qazirgi prezıdenttiń jumys isteýine jol bermeı otyrsa kerek. Otarsyzdaný máselesi jaıynda aıtqanda Serik Ábdirahmanov Nazarbaev táýelsizdikti jekeshelendirip aldy dep esepteıtinin aıtty. Ol táýelsizdik tusyndaǵy alǵashqy parlament saılaýyn eske aldy.
«Basynda bári táýir bastalyp, sońynda Nazarbaev táýelsizdikti janshyp ótti», - deıdi ol.
Serik Ábdirahmanovtyń aıtýynsha, sodan keıin Nazarbaevtyń qalaýymen, túsinikpen ómir súrý úrdisi qalyptasty. «Astanamyz Dýbaıda» dep astarlaǵan ol Másimovtiń máselesi, Qytaı faktory. 30 jylda qoldan ketken múmkindikter jáne Imanǵalı Tasmaǵambetov jaıly aıtty. Aıtýynsha, qazir ár oblys ákimi óz ınvestory men óz qoldaýshysyna ıe. Osyndaı jolsyz áreketter bolyp jatqanda qoǵam, halyq essizdikke ushyrap, komaǵa túsip ketti deıdi qoǵam qaıratkeri Serik Ábdirahmanov.
