Qytaıdaǵy jeke kompanııaǵa tıesili «Tianlong-3» ǵarysh zymyrany «kezdeısoq ushyrylyp» Henan provınııasyndaǵy tóbeden qulap, jarylyp ketti. Bul týraly 30 maýsym kúni atalǵan kompanııa resmı málimdeme jasady, dep habarlaıdy “Adyrna” ulttyq portaly.
Zymyran Qytaıdyń Tianbing Technology kompanııasyna tıesili, ol Space Pioneer dep te atalady. Onyń ókilderi túsindirgendeı, zymyran ózdiginen ushyryldy: borttyq kompıýter avtomatty túrde óship, zymyran ajyratylǵan, keıin kóterilip, synaq stendinen ońtústik-batysqa qaraı 1,5 km jerde tóbeden qulaǵan.
«Ushyrý zymyran korpýsy men synaq stendiniń túıisken jerindegi qurylymdyq aqaýǵa baılanysty boldy», - delingen VVS jarııalaǵan kompanııanyń resmı málimdemesinde.
Kompanııa zymyran adam turmaıtyn jerge qulaǵandyqtan zardap shekkender joq dep qosty. Alaıda, qulaǵannan keıin tóbede órt shyqqan.
Space Pioneer ókilderi Tianlong-3 zymyranynyń ónimdiligi men jumys mehanızmin SpaceX Falcon 9 zymyranymen salystyrdy.
