Kórshi Mońǵolııadan qaraly habar kelip jetti. Seksen jasqa qaraǵan shaǵynda Nota aǵamyz ben Baný jeńgeı jol apatynan qaıtys bolypty.
Ǵajaıyp neırohırýrg Nota qajymen eń alǵash 1993 jyly mamyrda Ulan-Batyrda tanysyp edik.
Mońǵol Ulttyq ýnıversıtetiniń prorektory Mızamhan myrzamen birge úsheýimiz Nalaıhadaǵy kóne túrkiniń Tónykók eskertkishine zııaratqa baryp qaıtqan sapar esten ketpeıdi. Qaıtar jolda qoıshy qazaqtyń kıiz úıinde qonaq bolǵan sátter tipten keremet edi.
Jahanǵa belgili maman-dáriger, myqty qazaq, ónegeli musylman, jomart jan Nota qajy men Baný jeńgeıdiń máńgilik mekeni jánnat bolsyn! Qazaq eli de Nota marqumnyń esimi men isin eshqashan umytpaq emes!
Nota Ánýaruly aty Aman Tóleev, Mustafa Óztúrik, Ánýarbek Júnisov, Mızamhan Kúntýǵanuly t.b. álemge áıgili qazaq qandastarymyzdyń esimderimen qatar atalatyndyǵynda esh shúbá keltirmeımiz!
Beibit Saparaly
