Búgin, 1 shilde kúni Bas prokýratýrada 2024 jyldyń birinshi jartyjyldyǵynyń jumys qorytyndysy boıynsha keńeıtilgen alqa otyrysy ótti, dep habarlaıdy «Adyrna» tilshisi.
Jıynda aktıvterdi qaıtarý boıynsha memleketke 312 mlrd teńge, onyń ishinde shetelden – 63 mlrd teńge qaıtarylǵany aıtyldy. 50 mlrd teńgege 513 myń gektar olıgopolııa jeri tárkilengen.
«Jalpy áleýmettik-ekonomıkalyq salada prokýrorlardyń aktileri boıynsha 2,5 mln adamnyń quqyqtary qalpyna keltirildi. Bıýdjetke 41 mlrd teńge kóleminde keltirilgen zalal óteldi. 167 qylmystyq is qozǵaldy, 75 adam sottaldy»,—delingen habarlamada.
Bas prokýratýranyń málimetinshe, bıyl zańsyz ustalǵan 708 adam bosatylǵan.
«Tergeý barysynda zańdylyqty qamtamasyz etý sheńberinde prokýrorlar 800-den astam azamatty qylmystyq ortaǵa negizsiz tartýdyń jolyn kesti. Konstıtýııalyq quqyqtardyń buzylýy úsh eseden astam tómendedi. Prokýrorlardyń narazylyqtary men ótinishteri boıynsha 34 sottalýshynyń jaǵdaıy jaqsardy, 2 adam aqtaldy. 708 zańsyz ustalǵan adam bosatyldy.
Sondaı-aq bıyl arnaıy prokýrorlar birqatar rezonanstyq ister boıynsha tergep-tekserýdi aıaqtady jáne olardy sotqa jiberdi. Konstıtýııalyq Sotta 10 is júrgizý boıynsha quqyqtyq qorytyndylar berildi. Konstıtýııalyq Sot Bas Prokýrordyń 2 joldanymy boıynsha oń sheshimder shyǵardy»,—dep jazdy Bas prokýratýranyń baspasóz qyzmeti.
