Elimizde biryńǵaı ýaqyt beldeýine kóshýge baılanysty jumys ýaqyty ózgerýi múmkin ekeni aıtyldy, dep habarlaıdy “Adyrna” ulttyq portaly.
Endi jumys ýaqyty bir saǵatqa erte bastalmaq. Bul týraly Eńbek jáne halyqty áleýmettik qorǵaý mınıstri Svetlana Jaqypova Úkimet otyrysynda málimdedi.
«Bizge kóp hat kelip jatyr, biz olarǵa jaýap beremiz. Jumys berýshi men jumysshynyń arasynda kelisimshart bar, jumys kestesin eki jaq birge jasaıdy. Sondyqtan qarańǵyda jumys istemeýi úshin, jumys berýshimen kelisip, jumys kestesin qaıta qaraı alady. Negizi bul kúrdeli suraq emes.
Biz usynys berdik, ıaǵnı jumys bir saǵatqa erte bastalýy múmkin. Negizi kelisimshart ekijaqty jasalady. Ol Eńbek kodeksinde jazylǵan, zańǵa sáıkes», - dep tolyqtyrdy vedomstvo basshysy.
