«Taza Qazaqstan» akııasyna Shymkent qalasynyń 154 myńnan astam turǵyny, sondaı-aq 6002 óndiristik jáne kásipkerlik nysandar men 603 áleýmettik mekemeniń ujymdary jumyldyryldy.
Akııa barysynda 8 myń shaqyrymnan astam kóshe, 9 myń shaqyrym trotýar jáne 724 shaqyrym sýarý júıeleri, kanaldar men aryqtar tazartyldy. 6591 tonna qoqys shyǵaryldy. Sondaı-aq, jaıaý júrginshiler joldaryn syrlaý jáne jol jıekterin tazalaý jumystary júrgizildi.
Tazalaýdan basqa, qalada 440 myńnan astam aǵashty akteý jáne 153 myńnan astam aǵashty sanıtarlyq kesý jumystary júrgizildi. 11657 aǵash kóshetteri men 789 kóshet otyrǵyzyldy. Jyl basynan beri 40 myń sharshy metr aýmaqqa 1 mıllıonnan astam qyzǵaldaq otyrǵyzyldy.
Asar shaǵyn aýdanynyń turǵyndary kóshelerdi, aýlalardy jáne eki demalys aımaǵyn tazalaýǵa belsendi qatysty. Aýdandyq ardagerler keńesiniń tóraǵasy U.Bashenov turǵyndardyń Memleket basshysynyń bastamasyn qoldaıtynyn jáne akııaǵa sáýir aıynan bastap belsendi qatysyp, tazalaý jumystaryn júrgizip qana qoımaı, halyq arasynda tazalyq mádenıetin nasıhattaıtynyn atap ótti. «Qala - bizdiń ortaq úıimiz. Onyń abattandyrylýy men kórkeıýi ár turǵynǵa baılanysty. Sondyqtan Asarlyqtar barshany qoqys tastamaýǵa jáne tazalyqty saqtaýǵa shaqyrady», - dedi ol.
Qarataý aýdanynda akııaǵa Nursat shaǵynaýdanynyń kóp qabatty úıleriniń turǵyndary qatysty. Sońǵy akııalardyń birine №37-49 úılerdiń 400-ge jýyq turǵyny qatysty. Turǵyndar úılerdiń aýmaǵyn qoqystardan tazartty, aǵashtardy áktep, shópterdi oryp, oryndyqtardy syrlady. Shaǵyn aýdan turǵyndarynyń negizgi bóligi akııaǵa belsendi qatysqan balalar men jasóspirimder. Olar úshin akııa - eresekterge kómektesý jáne dostarymen, otbasymen birge ashyq aýada ýaqyt ótkizý. Qatysýshylar balalardy tazalaý jumystaryna tartý qorshaǵan ortaǵa uqypty qaraýdy qalyptastyrýǵa kómektesetinin atap ótti.
«Tazalyq – densaýlyq kepili» - bul urandy akııaǵa qatysyp otyrǵan Ál-Farabı aýdanynyń turǵyndary da qoldap otyr. Sharaǵa ardagerler men belsendi jastardy qosqanda 200-den astam adam qatysty. Aýdandyq ardagerler keńesiniń tóraǵasy Isamýdın Nashtaıuly «Taza Qazaqstan» akııasy ýaqytsha akııa emes, turaqty tazalyq sharasy ekendigin, osyǵan baılanysty árbir qala turǵyny tazalyq mádenıetin saqtap, aýlalardy retke keltirýdi ózinen bastaý kerektigin basa aıtty.
Eńbekshi aýdanynda akııaǵa qatysýshylar «Shymkent» kanalynyń aýmaǵynda tazartý jumystaryn júrgizdi. Akııaǵa turǵyndar da, «Jasyl el» eńbek jasaqtary da qatysty. Aýdandyq ardagerler keńesiniń tóraǵasy Z. Jaıshybekov barshaǵa qatysqany úshin óz alǵysyn aıtyp, aýlalarymyzdyń tazalyǵy ózimizdiń árqaısymyzǵa baılanysty ekendigin atap ótti. «Biz ózimizden bastaýymyz kerek, sonda bizdiń jastarymyz da tazalyqty saqtaıdy», - dedi ol.
«Taza Qazaqstan» akııasy aıasynda Turan aýdanynyń turǵyndary men «Jasyl el» jastar jasaqtary qala turǵyndarynyń tanymal demalys orny bolyp tabylatyn Qoshqar ata ózeniniń jaǵasyn tazartý boıynsha sanıtarlyq tazalaý jumystaryn júrgizdi. Qatysýshylar ózen aýmaǵyn qoqys pen ósimdikterden tazartty, shomylý erejeleri men ózen boıyndaǵy jaryqtandyrýdy júıelerin jańartty. Olar qalanyń tazalyǵy eń negizgi basymdyq ekenin jáne árbir turǵyn ony qoldaýǵa belsendi qatysýy kerek ekenin atap ótti.
