«Halyq» qaıyrymdylyq qory elimizdiń kóptegen azamattary úshin ózgerister men úmittiń negizi boldy. Qurylǵaly beri bilim berý, áleýmettik qorǵaý, sport, tótenshe jaǵdaı salalaryndaǵy qaıyrymdylyqqa 85 mlrd teńgeden astam qarjy bóldi.
Onyń ishinde bilim berýge kóp nazar aýdarady. 2020 jyly qor mektep oqýshylary men kolledj stýdentterine arnalǵan Qazaqstandaǵy alǵashqy «Ozgeris powered by Halyk Fund» onlaın bıznes-ınkýbatoryn iske qosqan bolatyn.
Osy joba aıasynda 2023 jyldan beri «Tálimger» jobasyn qolǵa alyp, ekinshi jyl qatarynan muǵalimder men 14 pen 18 jas aralyǵyndaǵy jastar úshin jazǵy bilim berý lagerin uıymdastyrady. Jazǵy lagerdiń ereksheligi munda balalar synı jáne strategııalyq oılaý, kóshbasshylyq, qarjylyq saýattylyq, emoıonaldy ıntellekt syndy áleýmettik jobalaý baǵdarlamalaryn úırenedi. Bıyl lager 200-den asa qatysýshyny qabyldady. Olardyń barlyǵy respýblıkalyq ári aýyl oqýshylaryna arnalǵan ulttyq olımpıadalardyń jeńimpazdary, túrli jobalardyń belsendi qatysýshylary.
Jazǵy lager 16-25 maýsym aralyǵynda Aqmola oblysy, Zerendi aýdany, Zerendi aýylyndaǵy saýyqtyrý kesheninde ótti.
Lagerdiń basty baǵyty – bilim berý, sondyqtan kún saıyn balalarǵa óz salasynyń úzdik mamandary trenıngter, sheberlik sabaqtary, motıvaııalyq dárister ótkizdi. Sondaı-aq Asaýbek Aıymbetov, Serikzat Dúısenǵazy syndy qonaqtar ózderiniń ómirlik tájirıbesin bólisedi. Elimizdiń estrada juldyzdarynyń qatysýmen konert uıymdastyryldy.
Jobanyń maqsaty – jastar arasynda kásipkerlik áleýetti damytý, bıznes-oılaý daǵdylarynyń, kreatıvtiliktiń, komandada jumys isteı bilýdiń, taım-menedjmenttiń jáne sendirý qabiletiniń zamanaýı mańyzdylyǵyn túsindirý. «Halyq» qaıyrymdylyq qory jazǵy lager barysynda daryndy balalar men jastar qoǵamdastyǵyn quryp, qatysýshylarǵa ári qaraı damýy úshin ómirlik daǵdylardy úıretýdi kózdeıdi.
Qor qazirgi ýaqytta mıllıonnan astam balalar men jastardy qamtyp, elimizdiń bolashaq kóshbasshylary men mamandaryn damytý úshin jumys isteıdi. Elimizdiń damýyna óz úlesin qosqysy keletin oı-órisi joǵary jastarǵa qoldaý kórsetedi.
