Úkimet sý tasqynynan búlingen úılerdi jóndeý úshin qansha qarajat kerektigin aıtty, dep habarlaıdy "Adyrna" ulttyq portaly.
Úkimet esebinshe, ınfraqurylymdy qalpyna keltirýge 48,7 mlrd teńge qajet. Premer-mınıstrdiń orynbasary Qanat Bozymbaev sý tasqynynan búlingen úılerdi jóndeý úshin 257 mlrd teńge kerektigin aıtty.
«Shamamen 67 myń adam óz úıine oraldy, evakýaııalyq pýnktterdegi 3664 turǵynǵa qajet barlyq kómek kórsetilip jatyr. Sý tasqyny bastalǵaly barlyǵy 12 myń 86 turǵyn úı men 7 380 saıajaı (jalǵyz baspana) sý astynda qaldy. Jalpy zardap shekken óńirlerde 18 228 turǵyn úı zerttelip (94%), 15 651 nysan boıynsha baǵalaý aıaqtaldy (81%)», - dedi Qanat Bozymbaev.
Vıe-premer sý tasqynynan keıin 9 306 baspana qalpyna keltirýge bolatyn, al 8 190 baspana qaıta jóndeýge kelmeıtin sanatqa jatqyzylǵanyn aıtady.
"Olar boıynsha qaıtalama naryqtan 5 714 baspana satyp alý jáne 2 506 tıptik jobada baspana qurylystary josparlanǵan. Jalpy turǵyn úıdi qalpyna keltirýge shamamen 257 mlrd teńge kerek", - dedi Qanat Bozymbaev.
Úkimet baspanany jóndeýge jáne qalpyna keltirý úshin 6 176 otbasyǵa 40 mlrd teńge ótemaqy tólegen.
Úkimet basshysynyń orynbasary tabıǵı apattan zardap shekken turǵyndarǵa 369 200 teńge (100 AEK, 1 AEK – 3 692 teńge) kóleminde birjolǵy tólem tólengenin atap ótti. Vıe-premer turǵyndarǵa turmystyq tehnıka alýǵa 7,6 mlrd teńge berilgenin jetkizdi.
"Baǵalaý aıaqtalǵannan keıin zardap shekken turǵyndarǵa 150 AEK (553 800 teńge) mólsherinde joǵalǵan qajet zattardy satyp alý úshin qosymsha ótemaqy tólenýde. 7,6 mlrd teńge kóleminde 15 355 otbasy ótemaqy aldy. Mal shyǵyny úshin memlekettik kómek kólemi 2,8 mlrd teńgeden asty", - dedi Qanat Bozymbaev.
Sonymen qatar bızneske kelgen zalaldy óteý boıynsha jumys bastalǵan. Búlingen ınfraqurylymdy qalpyna keltirýge qomaqty qarajat kerek.
«Aldyn ala baǵalaý boıynsha, ákimdikterdiń ótinimderine sáıkes ınfraqurylymdy qalpyna keltirý úshin Úkimet rezervinen 48,7 mlrd teńge qajet. Bul qarajat avtomobıl joldaryn, elektrmen jabdyqtaý jelilerin qalpyna keltirýge jáne áleýmettik nysandardy jóndeýge baǵyttalady. Búginde 39,8 mlrd teńgege jobalar daıyndalyp, qujattamanyń Qarjy mınıstrligine usynyldy», - dedi Qanat Bozymbaev.
