Grek bıligi Gıdra aralynda orman órtin týdyrdy degen boljam boıynsha ıahtanyń 13 ekıpaj múshesi men jolaýshysyn qamaýǵa aldy, dep habarlaıdy "Adyrna" ulttyq portaly Tovima basylymyna silteme jasap.
Jaǵalaýdaǵy qurǵaq Gıdra aralyndaǵy bir orman alqaby týrıster demalys kezinde otshashý atyp, artynsha orman órtengen dep boljanyp otyr. Gıdra meri Djorgos Koýkýdakıs týrısterdiń qamaýǵa alynǵanyn habarlady.
Tovımanyń aıtýynsha, megaıahtany Qazaqstannan kelgen demalýshylar toby jalǵa alǵan.
Peloponnes provınııasynyń shyǵys jaǵalaýynda ornalasqan Gıdra araly negizinen jartas bolyp tabylatyn, ósimdikteri óte az jáne kólikterge ruqsat etilmeıtin bir ǵana negizgi eldi mekeni bar tarıhı jáne kórkem aral retinde belgili.
