Tarazdyq kópbalaly ana kúıeýinen qysym kórgenin aıtyp, kómek surady, dep habarlaıdy "Adyrna" ulttyq portaly KYN.KZ-ke siltep.
33 jastaǵy Balǵyn Ámirhannyń 5 balasy bar. Ol 6-shy balasyna júkti. Áıel adam kúıeýi men ata-enesi, kúıeýiniń týystary tarapynan taıaq jegenin aıtty. Alaıda 3 aı buryn bólek turýǵa sheshim qabyldaǵan áıel qazir de qysym kórip jatqanyn aıtty. Kúıeýi sabap tastaǵan kelinshek polıııaǵa aryz jazyp, keıinnen qaıyn atasynyń ótinishimen ol shaǵymyn qaıtaryp alǵan kórinedi.
Al sońǵy ret er adam áıeldi onyń anasymen qosa urǵan. Sol kezde kópbalaly ana aryzdanyp, eks-kúıeýin 10 kúnge qamatqan eken. Alaıda er adam áıelden ósh alýǵa kirisken.
"11 jasar qyzymyzben telefon arqyly 5 kúndeı toqtamaı sóılesti. Jaı kezde balalarynan habar da almaıtyn. Balalaryna nanǵa aqsha bermeıtin edi. Endi qyzyma bárin úıretip, polıııaǵa "naǵashy ájem men anam urdy" degizip aryz jazdyrýda. Endi 141-shi statıa iske qosyldy, meni jáne anamdy 2 jylǵa sottatatyn túri bar. Toqaev myrza, maǵan kómektesińizshi, 5 balamnan aıyrmańyzdar", - dep jylady kelinshek.
Áıeldiń qolynda dızaıner mamandyǵyn támamdaǵany týraly dıplomy bar. Ol balalaryn baǵý úshin 7 kúndik sábımen jumysqa shyǵatynyn da atap ótti.
"Men eshqandaı da jatyp isher, jalqaý áıel emespin. Týsam Alla nesibesimen beredi dep týa berdim. Kúıeýimdi qatty jaqsy kórdim. Áli de jaqsy kóremin. Sol úshin meni ajyratyp almaq bolǵan aǵammen urysyp, úsh jyl aralaspaı ketkenmin. Endigi kúıeýimniń qorlyǵyna shydaı almaıtynymdy túsindim. Búkil otbasy maǵan "týa berme" dep urysatyn. Tipti balany aldyryp tastaýǵa enem aqsha da bergen.
Áıel adam kúıeýinen eshqandaı alıment talap etpeıtinin, tek tynyshtyq suraıtynyn aıtty.
"Ol kisiniń minezi, psıhıkasy durys emes. Ol ýchaskelik polıııa bolyp jumys istedi.. Paramen ustalyp, sottalǵaly turǵan kezde óz erkimen jumystan ketti. Búkil áýletteri zań salasynda laýazymdy qyzmetterde otyr, burynda da istegen. Ata-enem de zań salasynda eńbek etken. Sol sebepti 12 jyl taıaqtalsam da polıııa kúıeýime esh shara qoldanbaıtyn",-dep egildi áıel.
