«Atyraý munaı óńdeý zaýyty» JShS burynǵy bas dırektory Ǵalymjan Jýsanbaev qyzmetine qaıta oralý múmkindigine qol jetkizdi. Bul týraly QazTAG-qa Qazaqstan munaı jáne gaz keńesiniń derekkózderi aıtty, dep habarlaıdy «Adyrna» tilshisi.
«Astanadaǵy sot otyrysynyń qorytyndysy boıynsha sot «AMÓZ» JShS-niń burynǵy bas dırektory Ǵalymjan Jýsanbaevty ótemaqy tóleı otyryp, qyzmetine qaıta taǵaıyndaý týraly sheshim qabyldady», - dedi PetroCouncil.
Sot kabınetiniń málimetinshe, 21 maýsym kúni sotta Ǵalymjan Jýsanbaevtyń talap-aryzy boıynsha ony jumysqa qaıta taǵaıyndaý, májbúrli túrde jumysta bolmaǵan ýaqyty úshin jalaqysyn óndirý jáne moraldyq zııandy óteý máselesi qarastyrylǵan.
Aıta keteıik, Ǵalymjan Jýsanbaev 2024 jyldyń 10 qańtarynda Atyraý munaı óńdeý zaýytynyń bas dırektory laýazymyna taǵaıyndalǵan edi. 16 aqpanda zaýyttyń bas ınjeneri Ádilet Shoshanbasov jańa bas dırektordy zaýytta qaýyrt jaǵdaı jasady, balaǵat sózder aıtty jáne kásiporyn basshylyǵy tarapynan yqtımal qarjylyq urlyq jasady dep aıyptady.
Ǵalymjan Jýsanbaev bul málimdemege pikir bildirip, prezıdent Qasym-Jomart Toqaevqa eski klannyń bılikke kedergi keltirip otyrǵanyn jetkizdi. Bul daý boıynsha «QazMunaıGaz» tarapynan qurylǵan komıssııa tekserý jumystaryn júrgizip, 19 aqpanda Jýsanbaev qyzmetinen bosatyldy.
