Tájikstan Respýblıkasynyń Prezıdenti Emomalı Rahmon «Tájikstan Respýblıkasyndaǵy merekeler men ádet-ǵuryptardy retteý týraly» zańǵa qol qoıdy. Bul týraly Hovar aqparat agenttigi jazdy, dep habarlaıdy “Adyrna” ulttyq portaly.
Ol elde «ulttyq mádenıetke jat» kıim kııýge tyıym salynatynyn málimdedi.
Sqparatqa sáıkes, Emomalı Rahmon 35 zańǵa qol qoıdy, onyń ishinde «Tájikstan Respýblıkasyndaǵy merekeler men ádet-ǵuryptardy retteý týraly», «Balany oqytý men tárbıeleýdegi jaýapkershilik týraly», «Tájik ulttyq ýnıversıteti týraly», «Tájikstan ulttyq ýnıversıteti týraly», «Esepteý kórsetkishteri týraly» zańdar jáne t.b. bar.
«Tájikstan Respýblıkasyndaǵy merekeler men ádet-ǵuryptardy retteý týraly» zańda basqalarmen qatar «ulttyq mádenıetke jat» kıim kııýge jáne satýǵa tyıym salynady. Zańdy oryndamaǵany úshin aıyppul qarastyrylǵan. Bul rette kıimniń qaı túri «ulttyq mádenıetke jat» dep sanalatyny naqty kórsetilmegen.
Hovar málimetinshe, jańa redakııadaǵy zańdar ulttyq mádenıettiń shynaıy qundylyqtaryn qorǵaýǵa, merekeler men salt-dástúrlerdi ótkizý kezinde yrymshyldyq pen nanym-senimge, ysyrapshyldyqqa jol bermeýge, Tájikstan halqynyń rýhanı jáne áleýmettik-ekonomıkalyq deńgeıin kóterýge, sondaı-aq balanyń quqyqtary men bostandyqtaryn qorǵaý, balany adamgershilik, patrıottyq maqtanysh, ulttyq jáne jalpyadamzattyq qundylyqtardy qurmetteý rýhynda oqytý jáne tárbıeleýge baǵyttalǵan.
Aıta keteıik, buǵan deıin Tájikstan hıdjab kııýge tyıym salǵaly jatqanyn habarlaǵan edik.
Zańǵa sáıkes, qazir Tájikstanda mundaı kıimdi elge ákelýge, ony satýǵa jáne qoǵamdyq oryndarda kııýge resmı túrde tyıym salynǵan - bul aıyppulǵa ákep soǵady. Bul tyıymdy buzǵan tulǵalarǵa 7920 somonı nemese qazirgi baǵam boıynsha 733 dollar aıyppul salynýy múmkin, al sheneýnikterge 39600 somonı nemese 3668 dollar kóleminde aıyppul salynady.
