Memleket basshysy sý tasqynymen kúresken azamattardy marapattady, dep habarlaıdy “Adyrna” ulttyq portaly Aqordaǵa siltep.
Prezıdent Toqaev sý tasqyny buryn sońdy bolmaǵan eń joıqyn tabıǵı apat ekenin atap ótti. Elimizde 19 myńnan astam turǵyn úıdi sý basty.
“Syn saǵatta elimiz yrysty yntymaǵyn tanytty. Biz tabıǵı apat kezinde jurt bolyp jumyldyq. Birtutas el ekenimizdi kórsettik. Qutqarýshylar, áskerıler, ishki ister organdary men ákimdik qyzmetkerleri táýlik boıy jumys istedi. Olar Otan aldyndaǵy paryzyn minsiz atqardy. Bir sózben, antqa adal boldy”, – dedi Memleket basshysy.
Memleket basshysy topan sýmen kúreske kúshtik qurylymdardyń 63 myńnan astam qyzmetkeri atsalysqanyna nazar aýdardy. Apat kezinde 120 myńnan astam adam, onyń ishinde 40 myń bala qaýipsiz jerge kóshirilgen.
”Bul – qutqarýshylar men ushqyshtardyń qajyrly eńbeginiń nátıjesi. Ábish Kekilbaev «Elin súıgen azamatqa eń úlken qaıǵy – óz halqynyń taǵdyrynan tys qalý» dep aıtqan. Ulttyq eriktiler jelisi tabıǵı apat bolǵan sátten bastap erekshe belsendi boldy. 50 myńnan astam volonter kómek kerýenderin uıymdastyrdy. Olar apat aımaqtaryna azyq-túlik jáne basqa da qajetti zattardy jetkizýge atsalysty. Qazaqstan halqy Assambleıasynyń «Júrekten júrekke» akııasy ortaq iske mol septigin tıgizdi”, – dedi Prezıdent.
