Astana qalasy Saryarqa aýdanynda 16 maýsym kúni keshkisin jataqhanaǵa aınaldyrylǵan eki qabatty úıden órt shyqty. Tótenshe jaǵdaı qyzmetkerleri órtti sóndirdi. Bul týraly Tótenshe jaǵdaılar mınıstrligi jarııalady, dep habarlaıdy “Adyrna” ulttyq portaly.
Naqtylanǵan aqparat boıynsha, mansardtyq turǵyn úıdiń jáne oǵan bekitilgen bir qabatty jumsaq jıhazdy qalpyna keltirý ehynyń shatyry jandy.
Zardap shekken adam bar. Ýly gazben ýlanǵan 1935 jyly týǵan azamat jedel járdem qyzmetkerlerine tapsyryldy.
“Búgin túnde Saryarqa aýdanynda jataqhanaǵa jabdyqtalǵan eki qabatty turǵyn úıdiń jáne onyń janyna salynǵan bir qabatty jumsaq jıhazdy qalpyna keltirý ehynyń órtenýi oryn aldy”, delingen habarlamada.
Órt sóndirýshiler 150 sh.m.bolatyn janý alańyn tolyǵymen sóndirdi.
