Búgin, 14 maýsymda burynǵy QazKSR densaýlyq saqtaý mınıstri, Qazaqstannyń eńbek sińirgen qaıratkeri Talapqalı Izmuhambetov qaıtys boldy. Bul týraly Densaýlyq saqtaý mınıstrligi málimdedi, dep habarlaıdy “Adyrna” ulttyq portaly.
"Búgin elimizdiń burynǵy Densaýlyq saqtaý mınıstri, medıına ǵylymdarynyń kandıdaty, Qazaqstan Respýblıkasynyń Eńbek sińirgen qyzmetkeri, KSRO densaýlyq saqtaý úzdigi, medıına qyzmetkerleriniń kóptegen urpaqtarynyń tálimgeri Talapqalı Ábishuly Izmuhambetov qaıtys boldy", - delingen DMS málimetinde.
Vedoschtva málimetinshe, Talapqalı Ábishuly kásibı qyzmetin hırýrg dárigerden bastaǵan, sodan keıin aýdandyq ortalyq aýrýhananyń bas dárigeri, Shyǵys Qazaqstan jáne Almaty oblystyq densaýlyq saqtaý bólimderi meńgerýshisiniń orynbasary jáne meńgerýshisi bolyp jumys istegen. 1987-1990 jyldary Qazaq KSR Densaýlyq saqtaý mınıstri qyzmetin atqardy.
"Medıınalyq qoǵamdastyqtyń, kóptegen stýdentterdiń, áriptesterdiń esinde ol jarqyn erekshe tulǵa, óz isiniń úlken entýzıasty bolyp qala beredi, ol ultty saýyqtyrý boıynsha birqatar iri bastamalardyń avtory boldy.
Densaýlyq saqtaý mınıstrligi Uly dárigerdiń barlyq jaqyndary men týystaryna qaıǵylaryna ortaqtasyp kóńil aıtady. Talapqalı Ábishulynyń baǵa jetpes eńbekteri, aýqymdy ıdeıalary qazaqstandyqtardyń kóptegen urpaqtarynyń densaýlyǵy úshin qyzmet etetin bolady", - delingen habarlamada.
