8 mamyr kúni Almatyda Beu Fest festıvali úshinshi márte ótkizildi, dep habarlaıdy “Adyrna” ulttyq portaly.
Beu Fest árdaıym jas talanttardy qoldaıdy. Bul joly da sahnada óner jolyn endi bastaǵan jastar boı kórsetti. Fectıval el mádenı ómiriniń ajyramas bóligine aınalýda.
Bıylǵy festıval Q-pop pen ındıden hıp-hopqa deıingi janrlardyń keń aýqymyn usyndy. Sol sebepti Qazaqstan estradasynyń juldyzdary Dos-Muqasan, URKER jáne Ghetto Dogs sııaqty aty ańyzǵa aınalǵan toptar qonaq boldy.
Alǵashynda jas talanttar óner kórsetken alańda Dos-Muqasan toby shyqqan kezde barsha tyńdarman óte erekshe kúı keshti. Olardyń ánderi kimniń bolsyn da jadynda. Sol sebepti jıylǵandardyń bári qosyla shyraq, bılep kóńil kóterdi.
Kórermenderdi tańǵaldyrǵan taǵy bir jaıt Dos-Muqasan tobynyń jas býyn Alpha tobymen jasaǵan kollabaraııasy boldy.
Keshte Dequine, Shiza, Amre, Qanay, Kazybek Kuraiysh, ARShAT, Tynda Music, il 'han Ihsan, kilemger, ALPHA, Mıras Júginisov, Dosekesh, Ulanǵasyr Qamı, T' OI, niyazkul jáne Aıbek Serikhanov sııaqty oryndaýshylar tyńdarmandaryn áýezdi ánderimen súısintti.
Sonymen qatar, Beu Fest 2024 Duisenbi, Ellaya, JANEL jáne Aka1dar sekildi qazaq estaradasynyń jańa juldyzdaryna tyń platforma usyndy.
Bul festıval osymen úshinshi jyl qatarynan ótkizilýde. Bıyl uıymdastyrýshylar bıletterdi satýdan túsken qarjynyń bir bóligin sý tasqynynan zardap shekkenderge kómek retinde jumsalatynyn aıtty.
Festıvalge Eýrazııalyq bank, Almaty qalasynyń ákimdigi sııaqty birneshe demeýshiler qoldaý kórsetti.
Festıval sońynda Mıras Júginisov áýezdi ánderin kópshilikpen birge shyrqady. Festıvaldy elimizge tanymal júrgizýshiler Marat Oralǵazın men Erkebulan Myrzabek tizgindedi.
Óner juldyzdary men keshke kelgen qonaqtar elge amandyq pen birlikti tilep qazaq óneriniń bolashaǵyna úlken senim bildirdi.
Bastysy tyńdarmandar keshten úlken shabyt pen keremet áser alyp qaıtty.
