Qazaqstan Respýblıkasy Qarjy naryǵyn retteý jáne damytý agenttigi Bankterdi taldaý jáne stress-testileý departamentiniń qyzmetkeri Dáýlet Salavatuly Cherıazdanov Plıý Lıgasynyń eń úzdik ýnıversıtetteriniń biri – Garvardqa tústi. Bul týraly QNRDA-nyń resmı saıtynda jarııalady, dep habarlaıdy “Adyrna” ulttyq portaly.
Aıta keteıik, Garvardta AQSh-tyń 8 Prezıdenti oqyǵan jáne 40-tan astam Nobel laýreattary sabaq beredi.
“Álemniń eń úzdik ýnıversıtetine túsý ońaı emes, biraq aldyńa osyndaı maqsat qoıyp, oǵan birtindep qol jetkizý úshin eńbek etseń, bári múmkin. Dáýlet Cherıazdanov óz eńbek jolyn 2021 jyly AQSh-tyń Ýılıams kolledjin bitirgen kezde bastady, onda ol jaratylystaný, matematıka jáne statıstıka bakalavry mamandyǵy boıynsha biliktilikke ıe boldy. Sol jyldyń tamyz aıynda oqýyn aıaqtaǵannan keıin ol QNRDA-nyń Bankterdi taldaý jáne stress-testileý departamentinde Bankterdi stress-testileý basqarmasynyń jetekshi mamany bolyp jumys isteı bastady”, delingen habarlamada.
Bankterdi taldaý jáne stress-testileý departamenti Qazaqstan Respýblıkasy bank júıesiniń turaqtylyǵyn qamtamasyz etýde sheshýshi ról atqarady. Departament qyzmetiniń negizgi baǵyty aktıvterdiń sapasyna turaqty túrde baǵalaý júrgizý jáne ekinshi deńgeıdegi bankterdiń jyl saıynǵy stress-testileýin júzege asyrý, ekinshi deńgeıdegi bankter úshin negizgi táýekelderdi anyqtaý jáne boljaý.
«Meniń rólim osy proestiń tehnıkalyq bóligine baǵyttalǵan: men Python tilinde qajetti skrıpterdi ázirleımin, tarıhı derekterdi tazartýmen jáne modeldeýmen aınalysamyn», - deıdi Dáýlet Cherıazdanov.
Eki jyl ishinde Dáýlet Cherıazdanov Basqarma bastyǵynyń orynbasaryna deıin ósti. Osy ýaqyt ishinde ol óz jumysynyń qyr-syryn tereń meńgere otyryp, praktıkalyq tájirıbe aldy. Sondaı-aq, ol birshama jetistikterge qol jetkizgenine qaramastan, izdenýin toqtatpady. 2023 jyldyń jazynda Dáýlet magıstratýraǵa túsýge nıet etip, daıyndyǵyn bastady. Ol aldymen ýnıversıtetter tizimin anyqtap, odan ári oqý úshin mamandyǵyn tańdady.
Dáýlet ózi úshin jasaǵan tizimde Plıý Lıgasyna kiretin ýnıversıtetter boldy: Garvard ýnıversıteti (Harvard University), Kolýmbııa ýnıversıteti (Columbia University), Braýn ýnıversıteti (Brown University), Kornell ýnıversıteti (Cornell University) jáne Pensılvanııa ýnıversıteti (University of Pennsylvania). Bul ýnıversıtetterge ótinish berýdiń negizgi talaptaryna mynalar jatady: GRE (Graduate Record Examination) testi, motıvaııalyq jáne taqyryptyq esseler, aldyńǵy professorlar men qazirgi jumys berýshiniń usynym hattary jáne ýnıversıtettiń transkrıpti.
Dáýlet úsh aıdan astam ýaqytqa sozylǵan muqııat daıyndyqtan keıin GRE (Graduate Record Examination) testin tapsyrdy, ol talapkerlerdiń taldamalyq, jazbasha, aýyzsha jáne sandyq daǵdylaryn baǵalaıtyn standarttalǵan testinen ótti. Ol yqtımal 340 baldan joǵary 320 ball jınady. Qujattardy tapsyrýdyń sońǵy merzimi 2024 jyldyń qańtarynda bolǵan, al naýryzda ol qujattaryn tapsyrǵan barlyq bes ýnıversıtetten shaqyrtý aldy. Dáýlet, osy kórnekti bestiktiń ishinen Djon F. Kennedı atyndaǵy Garvard memlekettik basqarý ınstıtýtyn (Harvard Kennedy School) tańdady. Ol oqytýdyń sapasy men ǵylymı-zertteý jumystarynyń aýqymy arqasynda kóptegen jyldar boıy jetekshi álemdik reıtıngte birinshi orynǵa ıe bolyp otyr.
«Garvard magıstratýrasynda oqý úshin mamandyq tańdaýǵa qatysty, Dáýlet «Memlekettik saıasat» (Master in Public Policy) mamandyǵyn tańdady. Óziniń tańdaýyn magıstrant: «Kásibı mansabymdy bastaǵan ýaqyttan beri men qoǵamǵa qyzmet etý jáne azamattarymyzdyń ómirin jaqsartý ıdeıasyn ustandym, sondyqtan memlekettik qyzmetke barynsha den qoıdym. Bolashaqta elimizge paıda keltirý úshin memlekettik basqarý jáne saıasat salasynda bilim alýdy ózime maqsat ettim»,- dep túsindiredi.
«Ýnıversıtetterdiń qabyldaý komıssııalary tarapynan memlekettik qyzmet salasyndaǵy tájirıbeniń mańyzdylyǵy men joǵary baǵasyna mán berilgenin aıtqan Dáýlet magıstratýraǵa qujattar tapsyrǵan ýaqytta óziniń Bankterdi taldaý jáne stress-testileý departamentindegi jumysy men Agenttiktegi mansabynyń mańyzdy ról atqarǵanyn atap ótedi. «Men áriptesterime, ózimniń basshylaryma jáne Agenttiktiń joǵary basshylyǵyna olardyń maǵan qoldaý kórsetkenderi jáne meniń ósýime jaǵdaılar jasaǵany úshin shynaıy alǵys bildirgim keledi. Olardyń tálimderi men kómeginsiz men mundaı tabysqa qol jetkize almas edim. Meniń tájirıbemniń ózderiniń bilim deńgeıin arttyrýǵa talpynatyn áriptesterim men otandastarym úshin úlgi bolatynyna senemin», - deıdi Dáýlet.
