Shymkenttegi Jańatalap shaǵynaýdanynda kópir opyrylyp tústi, dep habarlaıdy "Adyrna" ulttyq portaly otyrar.kz-ke siltep.
Jol kópiri jartylaı opyrylyp túsken. Opyrylǵan jol - shaǵynaýdan halqyn qalamen baılanystyratyn jalǵyz kópir bolǵan.
7 maýsym kúni saǵat 22:00-degi jaǵdaı boıynsha kópir tiregi 1 metrge shókken. Qazir kópir boıynsha qozǵalys barlyǵyna jabyq. Aýmaqqa eskertý belgileri qoıylǵan.
«Sirgeli aýyly men Jańatalap arasyndaǵy jol kópir zaqymdanýyna baılanysty jabylady. A2 trassa boıyndaǵy jańa mazarattan beri qaraı topyraq jol bar. Ózderińiz bilesizder. Biz qazir joldy syzyp, kartasyn daıyndap qoıamyz», - dedi Shymkent qalasy Turan aýdanynyń ákimi Berik Áshirbekov.
