Qazaqstannyń úsh qalasynda – Kókshetaý, Semeı jáne Óskemende reseılikter 2024 jylǵa ýáde etken JEO qurylysynyń bastalýy keıinge shegeriletini aıtyldy, dep habarlaıdy “Adyrna” ulttyq portaly reseılik energetıka salasyndaǵy saýda basylymy «Peretok.Rý»-ǵa siltep.
«Biz qurylystyń erterek emes, 2025 jyly bastalatynyn boljap otyrmyz», - dedi Peterbýrg halyqaralyq ekonomıkalyq forýmy (SPIEF) alańynda reseılik «Inter RAO» korporaııasynyń bas dırektory Sergeı Dregval.
Onyń aıtýynsha, jobalarda negizinen reseılik tehnıkany paıdalaný josparlanýda.
«Biz kelisimshart boıynsha jabdyqty jetkizýshimiz jáne qurylysty qadaǵalaımyz, biz merdiger bolmaımyz; Biz reseılik tehnıkany, onyń ishinde ÝTZ-dy (Inter RAO-ǵa tıesili – basylym) jetkizýge tyrysamyz», - dedi Dregval.
Aıta keteıik, bir apta buryn, 28 mamyrda úkimet otyrysynda QR Energetıka mınıstri Almasadam Sátqalıev Kókshetaýda jylý elektr ortalyǵynyń qurylysyn bastaý bıylǵy jyldyń jazyna josparlanǵanyn málimdegen bolatyn.
Eske salaıyq, buǵan deıin Qazaqstan men Reseı Qazaqstan Respýblıkasynyń Energetıka mınıstrligi men Reseı Federaııasynyń Energetıka mınıstrligi arasynda Kókshetaý jylý elektr ortalyǵy, Semeı jylý elektr ortalyǵy, Óskemen jylý elektr ortalyǵy qurylys jobalary boıynsha yntymaqtastyq týraly ózara memorandýmǵa qol qoıǵan bolatyn. Jobany júzege asyrýǵa Qazaqstannyń ýákiletti uıymdary «Samuryq-Energo» AQ, al Reseıden «INTER RAO - Export» JShS jaýapty.
