Almaty oblysynyń qylmystyq ister jónindegi mamandandyrylǵan aýdanaralyq sotynda alqabıler «Qazaqselqorǵaý» memlekettik mekemesiniń burynǵy basshysy Kárim Kókirekbaevqa qatysty qylmystyq isti qarady, dep habarlaıdy “Adyrna” ulttyq portaly.
Aıyptalýshylar qatarynda «Qazaqselqorǵaý» mekemesiniń burynǵy basshysynan basqa para aldy dep kiná taǵylǵan onyń orynbasary A., da bar.
Sotta anyqtalǵandaı, 2022 jylǵy 22 jeltoqsanda «Qazaqselqorǵaý» mekemesi basshysynyń orynbasary A. aıaqtalǵan jumys jáne jalpy qamqorlyq týraly sertıfıkattarǵa kedergisiz qol qoıý úshin para berýshi J.-ǵa 397 621 AQSh dollary kóleminde qarajat berdi.
Al jaýapker P., JShS dırektory bola tura, atqarylǵan jumys aktilerine kedergisiz qol qoıý jáne jalpy qamqorlyq úshin memlekettik ákimshilik basshysynyń orynbasaryna 397 621 AQSh dollary kóleminde para bergen.
Qazylar alqasynyń qorytyndysy boıynsha:
- Kárim Kókirekbaev ózine taǵylǵan aıyptar boıynsha aqtaldy.
- Qylmystyq kodekstiń 366-babynyń 4-bóligimen kináli dep tanylǵan «Qazaqselqorǵaý» basshysynyń orynbasary A. ómir boıyna memlekettik qyzmette laýazymdardy atqarý quqyǵynan aıyrýmen 11 jylǵa bas bostandyǵynan aıyryldy.
- Qylmystyq kodekstiń 367-babynyń 4-bóligimen kináli dep tanylǵan JShS dırektory P. ómir boıyna memlekettik qyzmette laýazymdardy atqarý quqyǵynan aıyrýmen 11 jylǵa bas bostandyǵynan aıyryldy.
- Úkim zańdy kúshine engen joq jáne oǵan shaǵym jasaýǵa jáne narazylyq keltirýge bolady, dep atap ótti sot.
Kárim Kókirekbaev 2013-2018 jyldar aralyǵynda Jambyl oblysynyń ákimi qyzmetin atqarǵan. 2019 jyly «Qazaqselqorǵaý» memlekettik mekemesin basqardy.
