Qazaqstannyń barlyq óńirinde sý tasqyny aıaqtaldy. Qoımalarda jınalǵan qarǵyn sý aýylsharýashylyǵy men ónerkásipte paıdalaný úshin jiberilmek. Bul týraly Sý resýrstary jáne ırrıgaııa mınıstrliginiń baspasóz qyzmeti málimdedi, dep habarlaıdy “Adyrna” ulttyq portaly.
Mınıstrlik habarlaǵandaı, kórsetkishterge nazar salsaq, tasqyn sýdyń sabasyna túskeni ańdalady.
«Batys Qazaqstan oblysyndaǵy tórt iri sý qoımasy 87%-ǵa toldy. Olardyń barlyǵy shtattyq kestege saı jumys isteıdi.
Aqmola oblysynda eki iri sý qoımasy 99%-ǵa toly. Eki nysan da shtattyq rejımde jumys isteıdi.
Soltústik Qazaqstan oblysynda 2 iri sý qoımasy 100%-ǵa toly”, dep habarlady mınıstrlik.
Sondaı-aq, Aqtóbe oblysynda eki iri sý qoımasynyń ortasha sý jınaý kórsetkishi 95%. Eki nysan da shtattyq kestege saı jumys isteıdi. Al Shyǵys Qazaqstan oblysyndaǵy eki iri sý qoımasy boıynsha ortasha sý jınaý kórsetkishi 89,8%.
«Abaı oblysynda Shúlbi sý qoımasy 87,8%-ǵa toldy. Ertis kaskadynyń barlyq sý qoımalary shtattyq kestege saı jumys isteıdi.
Qaraǵandy oblysyndaǵy 3 iri sý qoımasy 99,5%-ǵa toly. Olardyń barlyǵy shtattyq keste aıasynda jumys isteıdi.
Qostanaı oblysyndaǵy eki iri sý qoımasynyń ortasha sý jınaý kórsetkishi 91%. Eki nysan da shtattyq kestege saı jumys isteıdi.
Sý qoımalaryna jınalǵan tasqyn sýy aýylsharýashylyǵy men ónerkásipte paıdalaný úshin jiberiledi», - dep jazdy mınıstrliktiń baspasóz qyzmeti.
