Elimizde sý tasqynynan zardap shekken 717 otbasyǵa jańa úı men páter berildi. Qazaqstan Úkimeti sý tasqyny saldaryn joıý jáne zardap shekken azamattarǵa jan-jaqty kómek kórsetý boıynsha jumysty áli de jalǵastyrýda, dep habarlaıdy “Adyrna” ulttyq portaly Úkimettiń baspasóz qyzmetine siltep.
”31 552 otbasy 100 AEK mólsherinde birjolǵy tólem aldy. 717 otbasy qıraǵan baspanasynyń ornyna jańa úı men páterge ıe boldy. Máselen, Qostanaı oblysynyń turǵyndaryna 298 úı/páter usynylsa, Aqmola oblysynda — 85, Aqtóbe oblysynda — 121, Soltústik Qazaqstan oblysynda — 135, Batys Qazaqstan oblysynda — 70, Qaraǵandy oblysynda — 6, Pavlodar oblysynda — 2 jańa baspana berildi. Zardap shekken turǵyndarǵa arnap shamamen 1 862 jańa úı salynyp jatyr” delingen habarlamada.
Sondaı-aq, 3 981 otbasy turǵyn úıin jóndeýge jáne qalpyna keltirýge dep ótemaqy alǵany aıtyldy.
5 066 otbasyna joǵalǵan asa qajetti dúnıe-múlkin satyp alý úshin 150 AEK mólsherinde qosymsha kómek kórsetildi.
Budan basqa, zardap shekken 34 ShOB sýbektisiniń jalpy somasy 377 mln teńgelik shyǵyny óteldi. Barlyq oblysta óńirlik jáne aýdandyq komıssııalar jumys istep jatyr. Shyǵyndardy óteý jáne qujattardy tapsyrý tártibin túsindirý úshin 1432 nómiri boıynsha «Atameken» QR UKP «jedel jelisi» iske qosylǵan.
