Memleket basshysy Qasym-Jomart Toqaev Almatyǵa UQShU parlamenttik assambleıasy keńesiniń otyrysyna qatysý úshin kelgen UQShU-ǵa múshe memleketterdiń spıkerlerimen kezdesti. Bul týraly UQShU parlamenttik assambleıasynyń baspasóz qyzmeti málimdedi, dep habarlaıdy “Adyrna” ulttyq portaly.
"Kezdesýde UQShU-nyń jaı-kúıi men damý perspektıvalary talqylanyp, uıymnyń parlamenttik ólsheminiń mańyzdylyǵy aıtyldy. Qazaqstan prezıdenti UQShU parlamenttik assambleıasynyń qyzmetin joǵary baǵalady. Assambleıa qabyldaǵan Ujymdyq qaýipsizdik sharty uıymyn nyǵaıtýdyń mańyzdy quramdas bóligi bolyp tabylatynyn atalyp ótti", - delingen habarlamada.
Aıta keteıik, búgin tańerteń UQShU elderi parlamenttik delegaııalarynyń basshylary Almatydaǵy 28 gvardııashy-panfılovshylar atyndaǵy saıabaqta Máńgilik alaýǵa gúl shoqtaryn qoıdy.
