Jarııalanǵan vıdeoda esik aldynda jaıylyp júrgen esekterdi kórýge bolady. Vıdeoda sóılegen er adamnyń sózinshe, esekti baǵyp júrgen turǵyn maldyń aıaq-sıraǵy men qaryn-ishegin qapqa salyp, shuńqyrǵa tastaǵan.
“Sizderge dálel kerek bolsa mine. Esektiń aıaq-sıraqtary bári tur. Shuńqyrdyń ishinde qaryndary jatyr. Esekter júr, mal soıylyp jatyr. Qudaıdan qoryqpaıtyndar-aı”,- deıdi avtor vıdeosynda.
Osyǵan deıin, 17 mamyrda BAQ betterinde Shymkent qalasynyń turǵyny esek etin Qytaıǵa eksporttamaq bolǵany aıtylǵan.
Derekter boıynsha beınejazba Shymkenttegi Qursaı shaǵynaýdanynda túsirilgen.
"Bunyń bári nege júr? Mine, olarǵa jýyndy beredi. Toıhanadan ba, bir jaqtan alyp keledi-aý shamasy. Ony soıǵan, dálel retinde myna shuńqyrda esektiń sıraqtary, ishek-qarny jatyr. Aýrý qaıdan taraıdy? Árıne, osy jerden... Veterınarııalyq ınspekııa mamandaryn, polıııany shaqyrdyq",-deıdi vıdeo avtory.
Veterınarııalyq baqylaý jáne qadaǵalaý komıtetiniń qalalyq ınspekııasyndaǵy oqıǵanyń 12 mamyrda bolǵanyn aıtady.
Kásip ıesiniń mamandarǵa bergen jaýabyna sáıkes, ol bul jerde 104 bas esek pen 36 usaq mal ustaǵan.
«Júrgizilgen tekserý jumysyna sáıkes kásipker 4 esekti belgilenbegen orynda soıǵany anyqtaldy. Al onyń etin tońazytqyshta saqtaǵan. Bizge bergen jaýabynda ol mal etin jınap, Qytaı eline eksporttamaq bolǵanyn aıtty. Soıylǵan ettiń barlyǵyn biz aldyq, ony joıý jumystary júrip jatyr. Bizdiń zańnamada esek asyraýǵa tyıym salynbaǵan. Biraq ony arnaıy bekitilgen orynda soıý kerek. Bul talapty oryndamaǵany úshin (Ákimshilik quqyq buzý týraly kodekstiń 406-baby) kásip ıesine aıyppul salyndy»,-dedi Shymkent qalalyq veterınarııalyq baqylaý ınspekııasynyń bólim basshysy Syrym Qarabekov.
