29 mamyr kúni tanymal reseılik aktrısa Anastasııa Zavorotnıýk uzaq aýrýdan keıin 53 jasynda qaıtys boldy. Bul týraly habarlama onyń áleýmettik jelidegi paraqshasynda paıda boldy, dep habarlaıdy “Adyrna” ulttyq portaly.
«Bul jerde durys sóz tabý múmkin emes jáne óte qıyn. Búgin túnde bizdiń Nastıa uzaq jáne aýyr dertten aqyry qaıtys boldy», - delingen paraqshada.
Aktrısanyń qyzy Anna Zavorotnıýk qaıǵyly jańalyqqa qatysty paraqshasyna jazba qaldyrdy.
«Keshe túnde bizge qońyraý shalyp, seniń endi «joq ekenińdi» aıtty. Anashym, sen meniń ómirimde bolǵan eń jaqsy jansyń. Men seniń qyzyńmyn, muny maqtan tutamyn. Meniń janym árqashan senimen birge», - dep jazdy marqumnyń qyzy áleýmettik jelide.
Aıta keteıik, 2018 jyly Anastasııa Zavorotnıýk pen mánerlep syrǵanaýshy Petr Chernyshevtyń qyzy dúnıege keldi. Eki jyldan keıin oǵan «glıoblastoma», ıaǵnı, mı isigi dıagnozy qoıyldy.
