Bıshimbaevtyń isin qaraǵan sýdıa Aıjan Qulbaevanyń advokatqa qatysty shaǵymy boıynsha sheshim shyǵaryldy, dep habarlaıdy "Adyrna" ulttyq portaly.
Sáýir aıynda áıelin óltirdi dep isti bolǵan Bıshimbaevqa qatysty sot otyrysynda sýdıa Qulbaeva qorǵaýshylarǵa, dálirek, advokat Erlan Ǵazymjanovqa birneshe ret sógis jarııalaǵan bolatyn.
Aıjan Qulbaeva 15 sáýirde Erlan Ǵazymjanovqa qatysty jeke qaýly shyǵardy. Ol Astana qalasy advokattar alqasynyń qaraýyna jáne sheshim qabyldaýyna jiberilgen.
28 mamyrda sot advokat Erlan Ǵazymjanovqa qatysty jeke shaǵymdy qarady. Qorǵaýshy sheshim shyǵarýda jeke qaýlynyń zańsyz ekenin aıtyp, onyń kúshin joıýdy suraǵan.
Qorǵaýshynyń aıtýynsha, advokat sotty qurmettemedi, proestiń basqa qatysýshylarynyń sózin bóldi, basqa qorǵaýshylarmen, sýdıanyń talaptaryna baǵynbady, daýys kóterdi dep aıyptaldy.
Ǵazymjanovtyń múddesin Qýandyq Bıshimbaevty qorǵaǵaǵan qos áriptesi Nazken Qusaıynova men Leıla Ramazanova qorǵaǵany anyqtaldy. Eki advokat ta Ǵazymjanovtyń ústinen túsken shaǵymmen kelispeıtinin jetkizgen.
"Bul jaǵdaıda men advokatqa qatysty jeke sheshimdi qorǵaýǵa jasalǵan qysym dep bilemin, bizge qazirdiń ózinde qoǵam men BAQ tarapynan qysym kórsetilýde, bul jerde sot ta qorqytyp otyr. Bizge bul jaǵdaıda sot tóreligin qamtamasyz etý múmkin emes. Olardyń sózin buzǵan men emes, sóz sóıleýge ruqsat alǵandar buzdy jáne menimen birge birdeńe aıta bastaǵandar", – dedi Erlan Ǵazymjanov.
Al prokýror Dýman Qaıratuly sýdıa Aıjan Qulbaevanyń ustanymyn qoldaıtynyn málimdegen. Sýdıa Eleonora Ońǵarsynovanyń sheshimimen Ǵazymjanovqa qatysty shyǵarylǵan jeke uıǵarym ózgerissiz qaldyryldy.
Al buǵan deıin advokat Ǵazymjanov ózine áldekimniń qoqan-loqy kórsetip júrgeni boıynsha aryzdanǵan. Qazir sotqa deıingi tergeýdi Astana qalasy Saryarqa aýdandyq polıııa bólimi júrgizedi.
"Belgisiz tulǵalardyń qorqytýy boıynsha Qylmystyq kodekstiń 409-babynyń 2-bóligi (Sot tóreligin júzege asyrýǵa nemese sotqa deıingi tergep-tekserýge baılanysty qorqytý nemese kúsh qoldaný áreketteri) boıynsha sotqa deıingi tergep-tekserý bastaldy", – dep habarlady IIM.
Qazir istiń barlyq mán-jaıyn tolyq jáne jan-jaqty zerdeleýdi qamtamasyz etýge baǵyttalǵan tergeý áreketteri júrgizilip jatyr. Onyń nátıjesi boıynsha proessýaldyq sheshim qabyldanady.
