Búgin Nıderland premer-mınıstri Mark Rıýtte Qazaqstanǵa sapary aıasynda Maqsut Narikbayev University (MNU) stýdentterimen kezdesti. Atalǵan is-shara Nıderland Koroldiginiń Qazaqstandaǵy Elshiliginiń qoldaýymen uıymdastyryldy. Rıýtte myrza kezdesý barysynda Nıderlandynyń Eýropadaǵy róli, Qazaqstanmen eki jaqty yntymaqtastyǵy, óziniń saıası tájirıbesi, ınnovaııa, mádenı almasý jáne ekonomıkalyq múmkindikteri sııaqty túrli salalarǵa qosqan úlesi týraly aıtyp berdi.
MNU Basqarma Tóraǵasy Talǵat Nárikbaev ýnıversıtetke kelgen qadirli qonaqqa óz alǵysyn bildirip, eki jaqty qarym-qatynastyń damýyna tıgizgen áseri úshin rızashylyǵyn bildirdi.
«Sizdiń Maqsut Narikbayev University-ge saparyńyz bizdiń búkil stýdentter men oqytýshylar qaýymy úshin naǵyz mártebe jáne zor qurmet. Osylaısha, sizdiń ýnıversıtet qabyrǵasyna kelýińiz – Qazaqstan men Nıderlandynyń joǵary bilim berý salasyndaǵy tyǵyz baılanystarynyń birden-bir kórinisi dep esepteımin. Sondyqtan MNU gýmanıtarlyq jáne áleýmettik ǵylymdardyń jetekshi ýnıversıteti retinde bizdiń eki el arasyndaǵy baılanysty nyǵaıtýda sheshýshi ról atqaratynyn maqtan tutady», - dedi ol Nıderland Úkimetiniń basshysyna.
Premer-mınıstr kezdesý barysynda Qazaqstanǵa saparynyń maqsatyn túsindirýden bastap, bul onyń bizdiń elge alǵashqy sapary emes ekenin atap ótti.
«Biz ekonomıkalyq qatynastar kontekstindegi potenıaldy yntymaqtastyq taqyrybyn kóterip, sonyń ishinde dástúrli energııa kózderinen dástúrli emes kózderine kóshý arqyly ekonomıkamyzdy ártaraptandyrý týraly aıtyp otyrmyz. Bul Qazaqstanda ókildigi bar kompanııalarmen talqylanyp keledi. Oǵan qosa, qorlar men resýrstardy basqarý Qazaqstanmen qurǵan seriktestigimizdiń mańyzdy aspektisi bolyp sanalady. Árıne, qazirgi ýaqytta kómirsýtekter men jasyl tehnologııalar sheshýshi ról atqarýda, sebebi qazir tańda energııa óte mańyzdy. Osy turǵyda biz Marokko, Oman jáne basqa da eldermen jumys isteımiz, sonyń ishinde Qazaqstan da osy tizimniń bir bóligi sanalady. Biz ekonomıkanyń osyndaı modeline kóshýimiz kerek jáne osy máselelerdi birlesip sheshýge tyrysamyz. Búgingi osy kezdesý men úshin úlken mártebe», — dedi ol.
Bul kezdesýdiń negizgi maqsaty Nıderland Koroldigimen yntymaqtastyqty damytý jáne stýdentterge Nıderland premer-mınıstrine óz suraqtaryn qoıýǵa múmkindik berý.
Stýdentter, oqytýshylar jáne ýnıversıtet qonaqtary atalǵan is-sharaǵa asa qyzyǵýshylyq tanytyp, bizdiń zamanymyzdyń eń tájirıbeli saıasatkerleriniń birimen kezdesýge jáne ekijaqty qarym-qatynastardy damytýdyń mańyzdy halyqaralyq máseleleri men perspektıvalary týraly tikeleı bilýdiń biregeı múmkindigine ıe boldy. Sonymen qatar kezdesý barysynda Nıderlandy men Qazaqstan arasyndaǵy saıası qatynastardan bastap, mádenı aspektilerge deıingi taqyryptar keń aýqymda talqylandy.
Sondaı-aq bul kezdesý ýnıversıtettiń akademııalyq ómirine eleýli úles qosty, halyqaralyq baılanystardy nyǵaıtýǵa yqpal etti jáne Qazaqstan men Nıderlandy arasyndaǵy odan ári yntymaqtastyq úshin jańa belesterdi ashty.
Aıta ketý kerek, ótken jyly Maqsut Narikbayev University Franııa prezıdenti Emmanýel Makrondy qabyldaǵan. Mundaı kezdesýler stýdentterge álemdik kóshbasshylarmen tikeleı baılanys ornatýǵa múmkindik berip, olardyń kózqarastary men tájirıbeleri týraly bilýge jol ashady.
