Ónerkásip jáne qurylys mınıstri Qanat Sharlapaev Memleket basshysy Qasym-Jomart Toqaevqa qarsy shyqpaıtynyn aıtty, dep habarlaıdy "Adyrna" ulttyq portaly.
Úkimet otyrysynan keıin jýrnalıster Qanat Bısımbaıulyna ýtılalymǵa baılanysty suraq qoıdy. Áriptesterdiń biri «Qoǵamda rezonans týǵyzǵan máselege baılanysty Prezıdent halyqtyń talabyn eskerip, oń sheshim shyǵarady. Mysaly, Úkimet kıik atýǵa baılanysty sheshim shyǵarǵan kezde halyq oǵan qarsy boldy. Jýyrda Prezıdent halyqtyń talabyn eskerip, kıik atýǵa tyıym saldy. Sol sekildi ýtılsborǵa baılanysty qoǵamnyń narazylyǵy joǵary. Erteń joldaýda nemese basqa da bir jaǵdaıda Prezıdent ýtılsbordy alyp tastaý kerek dese siz oǵan qarsy shyǵasyz ba?» dep surady.
á
"Óte jaqsy suraq. Árıne, men Prezıdentke qarsy shyqpaımyn. Biraq eń aldymen qazirgi tańdaǵy siz aıtyp jatqan halyqtyń narazylyǵyn jaqsy túsinemiz. Alaıda basqa qoǵamnyń ókilderiniń pikirin tyńdamaımyz ba? Qazirgi tańda ónerkásipti qorǵaý úshin jarııalaǵan petıııany 10 myńnan astam adam qoldap jatyr. Olardyń pikirin eskermeımiz be? Birinshi petıııany zań boıynsha qatystyramyz, al ekinshi petıııa elý myń daýysqa jetse ony da eskerý qajet bolady. Meniń oıymsha, petıııa arqyly naqty demokratııa belgilerin kórsetip jatyr. Kóbisi avtoóndiristi qorǵaımyz dese, endi biri ónerkásipke qarsy shyǵyp jatyrmyz dep aıtady," – dedi mınıstr.
Jýrnalıstiń «Iaǵnı, Prezıdent ýtılalymdy alyp tastasa siz kelisesiz ǵoı» degen naqtylaı suraǵyna mınıstr «Meniń oıymsha, Prezıdent tarapynan eger osyndaı sheshim shyqsa, eshkim qarsy shyqpaıdy. Biraq ár adamnyń pikirin eskerip jáne naqty demokratııa prınıpterin saqtaýymyz qajet,» - dep qysqa jaýap berdi.
