Jelide eks-depýtattyń toıy qyzý talqylanyp jatyr, dep habarlaıdy "Adyrna" ulttyq portaly.
QR Parlamenti Májilisiniń burynǵy depýtaty birneshe kún buryn 50 jas mereıtoıyn atap ótti. Eks-sheneýniktiń qýanyshyna kelgender qymbat syılyqqa ıe boldy. Toıda utysqa avtokólik, páter, Dýbaı men Italııaǵa joldama, IPhone markaly telefonnyń 10 danasy, ıissý, sondaı-aq, Astanadan páter tigildi. Syılyqtar lotereıa arqyly taratyldy.
Odan bólek, jelide shý bolǵan toıda MýzART, Raim, Erke Esmahan, Qaırat Nurtas, Ózbekstannyń ánshileri, Reseıden kelgen "Mıraj" toby, Germanııadan kelgen Bad Boys Blue toby óner kórsetken.
Aıta keteıik, Maqsat Ramanqulov - Qazaqstan Respýblıkasy Parlamenti Májilisiniń eks-depýtaty. Ol 1974 jylǵy 21 mamyrda dúnıege kelgen. Eńbek ótili 1997 Shymkent kólik prokýrorynyń kómekshisi retinde bastalǵan, keıin Ońtústik-Shyǵys kólik prokýratýrasynyń ishki qaýipsizdik jónindegi aǵa prokýrory, BGM JShS dırektory, Mabex Trade LTD JShS jeke qurylys kompanııasynyń bas dırektory qyzmetin atqardy.
Maqsat Ramanqulov VII saılanǵan Qazaqstan Respýblıkasy Parlamenti Májilisiniń "Aq jol" Demokratııalyq partııasynan saılanǵan depýtaty boldy. Ol - "Qurmet" ordeniniń ıegeri.
