Áıelin óltirdi dep sottalǵan eks-mınıstr Qýandyq Bıshimbaevty qylmys ornynda ustaǵan polıııa qyzmetkerleri jaýapqa tartyldy. Bul aqparatty Ishki ister mınıstrliginiń baspasóz qyzmeti rastady, dep habarlaıdy “Adyrna” ulttyq portaly.
Astana patrýldik polıııa polkiniń ınspektoryna qyzmettik tártipti buzǵany úshin sógis jarııalanǵan.
Ol eks-mınıstrdi ustaǵan kezde «Ol ózi mazańdy alǵan shyǵar?» dep suraǵan. Osy áńgime vıdeoǵa túsip qalǵan.
Osy vıdeo sotta kórsetilip, Astana polıııa departamenti qyzmettik tekserý bastaǵan. Qyzmetker qatań sógis aldy.
Ekinshi qyzmetker qoǵamdyq oryndy lastaǵany úshin jazalandy. Ol kóshede turǵanda jerge túkirgen.
«QR «Quqyq qorǵaý qyzmeti týraly» Zańynyń 19, 56-57-baptaryna, sondaı-aq qyzmettik tártipti buzǵany úshin tártiptik komıssııanyń sheshimine sáıkes Patrýldik polıııa polki qyzmetiniń ınspektoryna sógis jarııalandy. Qazaqstan Respýblıkasy ÁQBtK-niń 434-2-babynyń talaptaryn buzǵany úshin (Qoǵamdyq oryndardy lastaý) Astana qalasy IIB Esil aýdanynyń jedel ýákiline qatań sógis jarııalandy», – delingen baspasóz habarlamasynda.
Eske sala ketsek, óziniń azamattyq nekedegi áıelin óltirdi degen kúdikpen ustalyp, sot isi ashyq júrgizilgen burynǵy Ulttyq ekonomıka mınınstri Qýandyq Bıshimbaev 24 jylǵa jáne onyń týysy Baqytjan Baıjanovqa 4 jylǵa bas bostandyǵynan aıyrylǵan bolatyn.
