Búgin, 26 mamyr kúni Astanatqalasynda ıtter kórmesi ótti. Onda elimizdiń ár óńirinen kelgen tazy, tóbet jáne basqa da ıt tuqymdary qoıyldy, dep habarlaıdy “Adyrna” ulttyq portaly “QazAqparat”-qa siltep.
Kórme aıasynda arnaıy halyqaralyq komıssııa qazaqy tazy tuqymyndaǵy 100-ge jýyq ıtti tekseredi.
Zertteý nátıjesi boıynsha komıssııa qazaq tazysyn halyqaralyq deńgeıde moıyndaý jáne «Kazakh Tazy» brendin Qazaqstanǵa bekitý týraly sheshim qabyldaıdy.
Kórmege qatysý úshin Qazaqstan Kınologtar odaǵy ártúrli jastaǵy, sanattaǵy jáne tústeri ártúrli 100 ıtti iriktep alǵan.
Is-sharany uıymdastyrýshylardyń aıtýynsha, qazaqy ıt tuqymdaryn halyqaralyq deńgeıde moıyndaý úshin FCI-diń (Halyqaralyq kınologııa federaııasy) mindetti talaptarynyń biri ıtterdi, olar shyqqan eldegi tuqymnyń jaı-kúıi men damý perspektıvalaryn zertteý.
«Búgin elimizdiń barlyq óńirinen ıtbegiler qaýymy jınalyp otyr. Kórmeden 90-nan astam asyl tuqymdy tazyny tamashalaýǵa bolady. Tazy – qazaqtyń ejelgi ıt tuqymy, maqtanyshy, jeti qazynanyń biri. Onyń shyǵýy bizdiń tarıhymyzben tikeleı baılanysty. HH ǵasyrda ártúrli sebepten tazynyń sany azaıyp, joǵalýǵa shaq qaldy. Sondaı-aq, tazyny saqtap qalýǵa tıisti kóńil bólinbeý saldarynan, ıttiń ózine tán bastapqy qasıetteri joıyla bastady», - dedi Ekologııa jáne tabıǵı resýrstar mınıstri Erlan Nysanbaev kórmeniń ashylý saltanatynda.
Mınıstrdiń aıtýynsha, tazy, tóbetti saqtap qalý — memlekettiń nazarynda.
«Sonymen qatar, tóbetterdi de qorǵap, álemdik deńgeıde tanytý jumystary júrip jatyr. Qazir qazaqy ıtterdiń tuqymyn saqtap qalý jáne ósimin molaıtý jóninde qoǵam men memlekettiń kúsh jigerin shoǵyrlandyrý boıynsha sharalar qabyldanýda, bul zańnamalyq deńgeıde bekitildi. Qazaqstan men dúnıejúzilik kınologııalyq qoǵamdastyq ıt tuqymdaryn saqtaý úshin yntymaqtastyqta jumys isteıdi», - deıdi vedomstvo basshysy.
