Qazaqstan men Qytaı shekarasynda bóget buzyldy.Bul aqparatty Shyǵys Qazaqstan oblysy Marqakól aýdanynyń ákimdigi rastady, dep habarlaıdy “Adyrna” ulttyq portaly.
Marqakól aýdany ákimdiginiń málimetinshe, qazir Boran aýylynda jaǵalaýdy bekitý jumystary qyzý júrgizilip jatyr
"Sý 2 santımetrdeı kóterilip jatyr. Biraq bul tek osy aýyl aýmaǵynda. Ol jerde jumys áli júrip jatyr. Ýchaskede 24 saǵattyq vahta uıymdastyryldy. Olarda kólik, qaıyq, barlyq qajetti qural-jabdyqtar bar. Aýdan ákimi oqıǵa ornynda, aýdandyq tótenshe jaǵdaılar qyzmetiniń basshysy sol jerde", - dedi Marqakól aýyldyq okrýgi ákimi apparatynyń bas mamany Ásem Bolysova.
Búgin, 22 mamyrdaǵy Sý resýrstary jáne ırrıgaııa mınıstrliginiń málimetinshe, Qytaı tarapy transshekaralyq ózender boıynan 1400 m³/s aǵyn jyldamdyǵymen sý aǵyzyp jatqanyn habarlady.
«Biz Qytaıdan kelgen áriptestermen baılanystamyz. Eldi mekenderdi sý basý qaýpi joq. Qara Ertis (Ertis) ózeninde Boran kentindegi baqylaý-ólsheý stansasy aımaǵyndaǵy sý aǵyny 1700-1400 m³/s bolsa, qazir sý deńgeıi 543 santımetrdi qurap otyr.
Biraq bul aımaqta sý deńgeıi kóteriledi dep kútilýde. Shyǵys Qazaqstan oblysy «Qazvodhoz» fılıalynyń mamandary kúsheıtilgen rejımge kóshirildi. Óskemen sý qoımasynan (Buqtyrma sý qoımasynyń qarsy rettegishi) sý tógý 500-den 800 m³/s-qa deıin ulǵaıtyldy. Jaǵdaı mınıstrdiń erekshe baqylaýynda», - dep habarlady vedomstvonyń baspasóz qyzmeti.
Erteń Nurjan Nurjigitov Shyǵys Qazaqstan oblysyna attanady. Búginde oblysta vıe-mınıstr Aldamjarov jumys isteıdi, dep qosty vedomstvodan.
